သူခိုးလက်ကသူဝှက်လု

ဒီမိုကရေစီအင်အားစုများအတွင်း အိမ်တွင်းသန့်ရှင်းရေး(Our Own House cleaning) လိုအပ်နေပြီဖြစ်ကြောင်း DVB ၏ အတွင်းရေးအကျင့်ပျက်မှုကြီးကမီးမောင်းထိုးပြနေပါသည်။ အမှန်တော့သူဝှက်ကြီးဟန်ညောင်ဝေ၊ ခင်မောင်ဝင်းတို့က သူခိုးလေး များကို လက်ညှိုးထိုးနံမည်ကောင်းယူပြီးဂုဏ်သရေရှိရှိဆက်ခိုးကြဘို့သာရှိပေသည်။        

မြန်မာ့ဒီမိုကရေစီတော်လှန်ရေးသည်တော်လှန်ရေးကိုဘန်းပြလုပ်စားနေသူများအတွက် “ဂွင် ကြီး” ပင်ဖြစ်သည်။ ဟန်းညောင်ဝေသည် NCGUB စင်တော်မှကောက်တင်လိုက်သဖြင့်အရှင်မွေးနေ့ခြင်းကြီးဆိုသလိုဥရောပတခုလုံးဆိုင်ရာ နာဂုတ်ကိုယ်စားလှယ်ဘဝဖြင့် proposal တင်ပြီး NCGUB နှင့်ယူရို သန်းပေါင်းများစွာကိုဝေစားမျှစားလုပ်စားနေခဲ့သော် လည်းယ္ခုပြောနေသည့် Transparency ဆိုသည့်စကားထိုအချိန်ကမကြားခဲ့ရချေ။ ဥရောပတခုလုံးဆိုင်ရာ နာဂုတ်ကိုယ်စား လှယ်ဘဝဖြင့်သူ၏သားသမီးများကိုအလွန်ဈေးကြီးသော Switzerland နိုင်ငံတွင်ကျောင်းထားနိုင်ခဲ့သည်။ နောက်ပိုင်း ကျေးဇူး ရှင်နာဂုတ်ကြီးကိုသစ္စာဖေါက် ၍ ဥရောပထောက်ပံ့ငွေဖြင့် တိုင်းရင်းသားလူမျိုးစုများကောင်စီ Ethnic Nationalities Council (ENC) ကိုဦးစီး ခေါင်း ဆောင်လုပ်ပြီးဗမာနှင့်တိုင်းရင်းသားများကိုသွေးခွဲ၍ခေါင်းဆောင်လုပ် ရန်အတင့်ရဲစွာကြိုးစားလာခဲ့ပြီး NCGUB နှင့်လမ်း ခွဲသွားခဲ့ပြန်သည်။

သို့ရာတွင် နိုင်ငံခြားငွေထောက်ပံ့သူများကိုစံနစ်တကျစာရင်းလိမ်ပြနိုင်မှုကြောင့် (ဘယ်လောက်ရတယ်၊ ဘယ်လိုသုံး စွဲတယ်ဆိုတာမြန်မာပြည်သားတွေ ကိုတော့ချမပြရဲဘူး၊ ပေါ်ကုန်မှာစိုးလို့။ ဒီနေရာမှာမှတ်သားလောက်စရာ NCGUB ခေါင်းရှောင်ကြီးဦးစိန်ဝင်းပြောကြားခဲ့တဲ့ သမိုင်းဝင်စကားလေးကိုမျှဝေပါရစေ။ ဦးစိန်ဝင်းကိုငွေဘယ်လောက်ရ သလဲ ဘယ်လိုသုံးစွဲသလဲ လို့မေးတဲ့အခါ ဒေါသနဲ့ မေးတဲလူငယ်ကို “ မင်းတို့ကိုဘာ လို့ပြောရ မှာလဲ၊ မင်းတို့က ငါ့ကို အခွန် ပေးနေလို့လား? အစိုးရဆိုတာအခွန်ပေးတဲ့သူကို ဘဲရှင်းပြတယ်ကွ၊ ငါတို့ကို ပိုက် ဆံပေးတဲ့NGO တွေကို ဘဲရှင်းပြ နိုင်မယ်” ဟုကျွန်တော့ ရှေ့တွင်ပြောခဲ့ဘူးသဖြင့်တအံ့တသြနားထောင်ခဲ့ရဘူးသည်။) ဟန်ညောင်ဝေသည်ဆက် လက်ထောက်ပံ့ငွေများရရှိခဲ့သော်လည်း NCGUB မှာမူဘာတိုးတက်မှုမှမပြနိုင်ဘဲဝင်ငွေများ ကျဆင်းသွားခဲ့ သည်။ စားဘို့လေး ကိုပေးနေသေးသဖြင့်နာဂုတ်အဖွဲ့ကိုအလုပ်မဖြစ်သော်လည်း မဖြုတ်ဘဲမှေးစား နေ စဲပါ။ တဖက်တွင်လည်းဟန်ညောင် သည် ENC ကိုတည်ထောင်၍တိုင်းရင်းသားတော်လှန်ရေးသမားများကိုဆွဲစား ခြင်းဖြင့်တစင်ထောင်ပြီးယူရိုငွေကိုဖေါဖေါသီသီသုံးရင်းတိုင်းရင်းသားခေါင်းဆောင်များ၏နောက်ကွယ်မှစီမံခန့်ခွဲသူဖြစ်လာခဲ့သည်။ အီးယူEuropean Union ရှိအစိုး ရများက အလျော့ပေးပူးပေါင်းခြင်းအတွေးအခေါ် (compromise) ကိုပြော လာ သောအခါ စီးပွါးရေးပိတ်ဆို့မှု (sanction) ကို တောက်လျှောက် အော် လာသောဟန်ညောင်ဝေကနအဖကိုဆန့်ကျင် နေခြင်းမှစီးပွါးရေးဖွင့်ပေးဘို
့လိုတယ်ဆိုပြီးပြောင်းလဲအော်ခါ နေဝင်းမောင် ၊ ခင်ဇော်ဝင်း၊ပြည်တွင်းအင်ဂျီအိုတွေဖိတ်ပြီး စားကွက်ကိုထွင်လိုက်ပြန်ပါတယ်။ အော် အခုတခါ DVB ရဲ့ယာယီဦးဆောင်ညွှန်ကြား ရေးမှူးတာဝန်ယူလိုက်ရတော့ “တာတီးတို့ဗိုက်ခွေးနမ်းတဲ့ကိန်းဆိုက်ပြန်ပြီပေါ့” ။ DVB မှာသူနဲ့စည်းဝါးကိုက် လို့ရမယ့် သူတွေကို၊ ခင်မောင်ဝင်း လူမွေးသလို ထည့်သွင်းလာတာမြင်ရအုံးမယ်၊ အဓိကမဲဆောက်ရုံးကလူတွေကိုဖြုတ်ဖို့လုပ်ပြီးရင်၊ အဲဒီလူတွေရဲ့ နေရာမှာ ဟန်ညောင်ဝေနဲ့ သဟဇာတဖြစ်တဲ့ တိုင်းရင်းသားတွေပါလာဖို့ များတယ်။

DVB ကို NCGUB  က မင်းသမီး စခန်းမှရဲဘော် ခင်မောင်ဝင်းကို ဒုတိယ အုပ်ချုပ်ရေးမူးခန့် ပြီးတော့ လွှတ်လိုက်တဲ့အခါ ခင်မောင်ဝင်းက သူနဲ့ဆွေမျိုးနီးစပ်တော်တဲ့လူတွေကို စိတ်ကြိုက်ဆွဲ့ ခန့် ခဲ့တဲ့အတွက် DVB အသံလွှင့် ဋ္ဌာနဟာ ဗမာစကား မပီကလာပီကလာ ပြောတတ်တဲ့ လူတွေရဲ့ အသံလွှမ်းနေခဲ့တယ် ဗမာလိုပီပီသသ ပြောနိုင်တဲ့လူတွေ ကိုမရွေးပဲ ခင်မောင်ဝင်းရဲ့ ဂိုဏ်းဂဏတည်ထောင်မှုကြောင့်ပြည်တွင်းပြည်ပကနေ DVB မှာဗမာလိုပီအောင်ပြောတတ်တဲ့ လူမရှိတော့ ဘူး လားဟုလှောင်ပြောင်ခြင်းကိုခံခဲ့ရတယ်။DVB ဟာအဲဒီကထဲကစည်းကမ်းတကျ အရည်အချင်း ရှိသူတွေနဲ့မဖွဲ့စည်း ဘဲနီးစပ်ရာဆွဲခန့်၊ BBC, VOA, RFA တို့လိုအရည်အချင်းစစ်တာ၊ အသံစစ်တာ၊ပညာအရည်အချင်းစစ်တာ တွေမရှိ ဘဲ ငါ့စကားနားထောင် မဲ့ငါ့လူဖြစ်ဘို့ကအဓိကဖြစ်နေခဲ့တယ်။ ပင်တိုင်ဆောင်းပါးရှင် နိုင်ငံကျော် စာရေးဆရာကြီး( ကြေး မုံဦးသောင်း)က ညွန့်ပေါင်းအစိုးရကို ဝေဖန်တဲ့အတွက် ဆရာကြီးကို လွတ်လပ်တဲ့ ဒီမိုကရက်တစ် မြန်မာ့ အသံလို့ ခံယူထားတဲ့ DVBက ဆင်ဆာလုပ်ပြီးအသံလွှင့်ခွှင့်ပိတ်လိုက်တယ်။ ဒီအကြောင်းကို ဆရာကြီးကိုယ်တိုင် ကျနော့်ကို ရင်ဖွင့်ခဲ့တာပါ၊ ဒါကို  ဖလော်ရီဒါမှာ အခုရှိနေတဲ့  ဆရာကြီးရဲ့ ဇနီးဖြစ်သူကိုလည်းမေးကြည့်နိုင်ပါတယ်။

ခင်မောင်ဝင်းဟာ A.B.S.D.F ဒုတိယ အကြိမ်ညီလာခံမှာ ပြန်ကြားရေး ဋ္ဌာနအတွင်းရေးမှုးအဖြစ် ဗဟိုအလုပ်အမှုဆောင် ကော်မတီဝင်ဖြစ်ပါလာတယ်။ ညီလာခံအပြီးမှာ ၊ ညီလာခံမှတ်တမ်းမှတ်ရာ၊ဓါတ်ပုံ၊ အသံဖမ်းတိပ်ခွေများ၊ ဗဟိုကော် မတီဟောင်းမှလွှဲပြောင်း သောမှတ် တမ်းလက်ခံများကို သေတ္တာ တစ်ခုတွင် သိမ်းဆည်းရင်း "ဒီဟာတွေက ၊ ရွှေတွေဗျ၊ ရွှေတွေ  တချိန်ကျရင် ရွှေဖြစ်မှာ"  လို့ ဝမ်းသာအားရ ကြွေးကြော်ခဲ့ဘူးတယ် (တနေ့ဒါတွေကိုရောင်းစားရင်ဖြစ်ဖြစ်ထုတ်ဝေရင်ဖြစ်ဖြစ်ငွေအမြောက်အများရနိုင်မယ်ဆိုတဲ့သဘောပေါ့)။

ခင်မောင်ဝင်းဟာ ABSDF ပြန်ကြားရေးတာဝန်ခံအဖြစ် ဘာတခုမှ ထိထိရောက်ရောက် မလုပ်နိုင်ခဲ့ပဲ (မင်းကြီး)အောင်သန်း (ကွယ်လွန်)အကူအညီနဲ့ ကျနော်ရေးသားတဲ့ ဖိလစ်ပိုင်ရွေးကောက်ပွဲ၊ နီကာရာဂွါရွေးကောက်ပွဲ၊ အာဏာရှင်၏ နောက်ဆုံး နေ့များ ဆောင်းပါးသုံးပုဒ်ကို  ထုတ်ဖို့တောင်းလို့ရတဲ့ ကူငွေနဲ့ ABSDF ပြန်ကြားရေးဌာနမှ ထုတ်ဝေသည်ဟု အမည်တပ်ပြီး ၁၉၉၀ ရွေးကောက်ပွဲ မတိုင်ခင် ပြည်တွင်းကို ရွေးကောက်ပွဲအကြိုအဖြစ် ထုတ်ဝေဖြန့်ဖြူးခဲ့တာကို ABSDF ဗဟိုကော်မီတီ အစည်းအဝေးမှာ ပြန်ကြားရေး ဌာန နာမည်ခံထားတဲ့အတွက် သူလုပ်တာပါလို့ကျွန်တော့ရှေ့မှာ မျက်နှာပြောင်တိုက် ပြောရဲခဲ့သူဖြစ်တယ်။ ခင်မောင်ဝင်းရဲ့မသမာမှုက သူရဲ့ရဲဘော်ရဲဘက်တစခန်းထဲမှာ နေခဲ့တဲ့စာရေးအားကောင်း၊ လေ့လာ အား လဲ ကောင်းတဲ့ ထက်အောင်ကျော်(ဝင်းထိန်) ကိုDVB ကနေဘတ်ဂျက်နဲတာကိုအကြောင်းပြပြီးဖြုတ်ပြစ်လိုက် တာဘဲဖြစ်တယ်၊ ရှားရှားပါးပါးတော်လှန်ရေးထဲကအင်္ဂလိပ်၊ မြန်မာနှစ်ဘာသာလုံးနဲ့ဆောင်းပါးတွေရေးနိုင်သားနိုင်တဲ့၊ ရေးသားနေတဲ့ သူကို ဘာ့ကြောင့်ထုတ်ပြစ်ရသလဲ?။ ခင်မောင်ဝင်းမှာဒီလိုအရည်အချင်းမရှိဘူး ၊ဆောင်းပါးမရေး နိုင်ဘူး ထားဝယ်သားချင်းအတူ တူသူမဟုတ်တာ လုပ် တာ ကိုသိနေလို့မပေါ်အောင်စောစောရှင်းလိုက်တာလား?။ မေးစရာရှိ တယ်။ တော်လို့အရည်အချင်း ရှိလို့ရောက်လာတာမဟုတ်ဘဲ NCGUB ကလူယုံအဖြစ်မွေးလိုက်လို့ နေ့ချင်းညချင်း အုပ်ချုပ် ရေးမှူးဖြစ်လာသူဖြစ်တယ်။

မိုးသီး နိုင်အောင် နှစ်ခြမ်းကွဲတဲ့အခါ နိုင်အောင်ဖက်မှာ ရပ်တည်ပြီး ကိုမိုးသီးကို အစွမ်းကုန် မုန်းတီးခဲ့သူ ဖြစ်တယ်။ ဒါကြောင့် DVB မှာ တွဲဘက် အုပ်ချုပ်ရေးမှူး ရာထူးရတော့ ကိုမိုးသီးကို ဆင်ဆာလုပ်ပြီး ပိတ်ပင်တားမြစ်ထား တယ်။ ABSDF မှာ တာဝန်ထမ်းဆောင်နေစဉ် ABSDF အပြင် မြန်မာနိုင်ငံရှေ့နေများကောင်စီ အဖွဲ့ဝင် အဖြစ်လည်း ပါဝင်ခဲ့ပြီး နှစ်ဘက်ခွ လုပ်စားနေခဲ့သူဖြစ်တယ်။ ဒါကြောင့် DVB မှာ ခင်မောင်ဝင်းရောက်ရှိသွား ခြင်းဟာ ကိုယ်ကျိုးစီးပွား ရှာဖို့အတွက် စားပေါက်ကြီးပွင့်သွားတာနဲ့ အတူတူပါပဲ။ DVB ကို ဦးစိန်ဝင်းနဲ့ ညှိပြီး သူ့လူ ခင်မောင်ဝင်းကို ပို့ခဲ့သူဟာ နကုတ်အဖွဲ့ကြီးက ဒေါက်တာသောင်းထွန်းဖြစ်တယ်။ ဒေါက်တာသောင်း ထွန်းဟာ ယခု ဗဟုအဖွဲ့ခေါင်းဆောင် ဒေါက်တာဇော်ဦးကိုလည်း NCGUB ရဲ့ အတွင်းလူအဖြစ် စည်းရုံးသိမ်း သွင်းပြီး ဘားမားဖန် (Burma Fund) ရဲ့ ဦးဆောင် ညွန်ကြားရေးမှူးရာထူးကို ပေးခဲ့တာလည်း ဒေါက်တာသောင်းထွန်းပဲဖြစ် တယ်။ ဒါဆိုရင် ဒီမိုကရေစီ အဝန်းအဝိုင်းထဲမှာ ဒေါက်တာသောင်းထွန်း ချယ်လှယ်ပြီး နေရာချထားပေးခဲ့သူတွေ ဟာ ဒီနေ့ ဒီချိန်မှာ ဘယ်လောက်ဖောက်ပြန်နေတဲ့ သူတွေဖြစ်တယ်ဆိုတာကိုမီးမောင်းထိုးပြနေပြီဖြစ်တယ်။ NCGUBဟာအတ္တကြီးကြီးနဲ့တကယ်စိတ်ဓါတ်ရှိသူတွေကို မရွေး ဘဲအရည်အချင်းမရှိတဲ့အနားပြာတွေကို အဟုတ်ထင်ရွေးလိုက်တဲ့အတွက်ပြည်ပတော်လှန်ရေးကြီးတခုလုံးကျဆုံးနေခဲ့တာ ဖြစ် တယ်ဆိုရင် မမှားဘူး။

DVB အကျင့်ပျက် ချစားမှုဟာ ထိပ်ပိုင်းမှာ တာဝန်ထမ်းဆောင်နေတဲ့ အေးချမ်းနိုင်နဲ့ ခင်မောင်ဝင်းတို့မှာ တာဝန် ရှိသလို သူတို့ကို အာမခံပေးတဲ့ NCGUB နဲ့ ဒေါက်တာသောင်းထွန်းတို့မှာလည်း တာဝန်ရှိတယ်။ ဒါကြောင့် ဒီလူတွေအားလုံးဟာ ဒီမိုကရေစီအဝန်းအဝိုင်းကနေ ခေါင်းဆောင်မှု ယူထားခြင်းမှ နှုတ်ထွက်ပေးသင့်တယ် လို့မြင်တယ်။ ယာယီနှုတ်ထွက် ထားပြီး  ပြန်လည်တာဝန်ပေးခြင်းမျိုး မရှိသင့်တော့ဘူး။ လူသစ်စိတ်သစ်နဲ့ တကယ်ရိုးသားဖြောင့်မတ် သူတွေကို DVB မှာ မြင်ရဘို့ လိုတယ်။

 ဟန်ညောင်ဝေဟာလည်း DVB ရဲ့ ယာယီညွန် ကြားရေးမှူးတာဝန်နဲ့ ထိုက်တန် တဲ့လူမဟုတ်ဘူး။ သူ့ကိုယ်ကျိုးစီး ပွားအတွက် ဗမာနဲ့ တိုင်းရင်းသားတွေကို သွေးခွဲဖို့ ကြိုးစားနေတဲ့သူဖြစ်သလို ခံယူ ချက်မရှိဘဲ ပုတ်သင်ညို အရောင် ပြောင်းသလို မိမိစားပေါက်ရဘို့ကိုသာ အတ္တကြီးစွာ လုပ်ဆောင်နေတဲ့သူ ဖြစ်တဲ့အတွက် အားလုံးက စာရေးသားပြီး ဟန်ညောင်ဝေကို DVB ညွန် ကြားရေးမှူးအနေနဲ့ယာယီတောင် တာဝန်မပေးသင့်ဘူးလို့ ရေးသားကန့်ကွက်ကြဖို့ လိုတယ်။

နောက်ဆုံးအနေနဲ့ပြောချင်တာကတော့ DVB ဟာ ကြားနေအသံလွှင့် အဖွဲ့အစည်း ဖြစ်တယ်ဆိုတဲ့လူပါးဝစကား ဘဲဖြစ်တယ်၊ ဒီစကားကိုပြောပြီးဒီမိုကရေစီအင်အား စုဖက်လဲမ လိုက်ဘူး၊ စစ်အစိုးရဖက် လဲမလိုက်ဘူးကြားနေမယ် ဆိုတာတော်လှန်ရေးလုပ်နေတဲ့သူတွေအားလုံးကိုစော်ကားလိုက်ပြီးပုဆိုးလှန်ပြလိုက် သလိုပါဘဲ၊ တော်လှန် ရေးအဖွဲ့အစည်းထဲမှာပါလို့ တော်လှန်ရေး အကျိုးအတွက်ခန့်လိုက်တာကို အခွင့် ကောင်း ယူပြီး သူတို့ကိုယ်သူတို့ ဝါရင့်သတင်းဆရာကြီးများ (Professional Journalists) ဖြစ်သွားပြီဆို တဲ့အမူအ ကျင့် ဟာဘာကိုပြသလဲ ဆိုတော့ ဘဝ မေ့တာ၊ ငါတို့ဘယ်သူ့ကိုမှဂရုစိုက်စရာမလိုတော့ဘူးဆိုတဲ့တော်လှန်ရေး ကိုကျေးဇူး ကန်း တဲ့စိတ်၊ ဘဝင်မြင့်နေ တာ အောက်ခြေလွတ်နေတာကိုပြတာဘဲဖြစ်တယ်။ ဆောင်းပါးကောင်းတပုဒ်တလေတောင် မရေးတတ်တဲ့အုပ်ချုပ်ရေးမှူးဆိုတဲ့ သူတွေကသူတို့ကိုယ်သူတို့ဝါရင့်ဂျာနယ်လစ်ကြီးများအဖြစ်သတ်မှတ်ပြီး “ကြားနေမယ်ဆိုတာဟာဒီမိုကရေစီတော်လှန်ရေးအိမ်ဦးခန်းကိုချီးတက်ပါတာဘဲ” အင်မတန်စော်ကားတဲ့လုပ်ရပ်လို့မြင်တယ်။ တနည်းပြောရရင်ဒီမိုကရေစီတော်လှန်ရေး ကြီးတခု လုံးကိုခုတုံးလုပ်ပြီးငါတို့ ကိုယ်ကျိုးရှာတော့မယ်လို့မျက်နှာပြောင်တိုက်ပြောလိုက်တာဘဲ။ သူတို့ရဲကြားနေမယ် ဆိုတာဆိတ်လစေ့လိုအချောင်နေပြီး ဖက်ကပ်လိုက်ဒီဖက်ကပ်လိုက်နေသာသလို အနာမခံအမုန်းမခံဘဲခွစားနေမယ်ဆို တဲ့စိတ်ဘဲ။ ငယ်ငယ်ထဲကပါလာတဲ့ စိတ်ဆိုတော့ငယ်ပါစိတ်လို့ခေါ်တယ်။ ရွံ့ရှာစရာကောင်းတဲ့စိတ်ဓါတ်တွေပါဘဲ။

အချုပ်အားဖြင့်သူခိုးလက်မှသူဝှက်လုခြင်းသည်ဒီဗီဘီအတွက်ဘာတိုးတက်ပြောင်းလဲမှုမှမရှိနိင်ချေ။ လူကောင်းတွေတကယ်ရွေးနိုင်ဘို့လိုသည်။ တကယ်မျိုးချစ်စိတ်ထက်သန်တဲ့သူတွေပါဘို့လိုသည်။ ကြိတ်စားခြင်းမဟုတ်ဘဲ သုံးစွဲမှုမှန်သမျှကိုဒိုးယိုပေါက်ထင်သာမြင်သာ (Transperency) ရှိဘို့လိုပါသည်။

တော်လှန်ရေးသစ္စာဖြင့်

ထွန်းအောင်ကျော်

မှတ်ချက်။ DVB

အစိုးရသစ်၏အပြောကရွှေမန်း

အမိမြန်မာနိုင်ငံတော်သည် ယခုအခါ ဖွံ့ဖြီုးစ နိုင်ငံအဖြစ် ရပ်တည်နေရာ မကြာမီကာလအတွင်း ဖွံ့ဖြိုးပြီးနိုင်ငံများနှင့် ရင်ဘောင်တန်းနိုင်သည့်အဆင့်သို့ အချိန်မှီရောက်ရှိစေရန် တာဝန်ရှိသူများမှလည်း ကြိုးပမ်းဆောင်ရွက်လျက်ရှိသည်။စက်မှုနိုင်ငံ ထူထောင်ရမည်ဟု ဗိုလ်ချုပ်မှူးကြီး သန်းရွှေက နာဂစ်ခရီး စဉ်တွင် ပြောကြောင်း အစိုးရပိုင် သတင်းစာတွင် ဖော်ပြခဲ့သည်။ စက်မှုလက်မှု လုပ်ငန်းများတွင် လည်း  “ထုတ်ကုန်နှစ်ဆ တိုးမြှင့်ကြ” ဟူသော ဆောင်ပုဒ်နဲ့အညီ သွင်းကုန်များအား အဓိက ဦးစားမပေးပဲ   နိုင်ငံတော်ငွေအမြောက်အများရရှိရန် ထုတ်ကုန်များအား အရင်ထက်နှစ်ဆတိုး၍ ပြည်ပသို့ တင်ပို့ လျက်ရှိသည်။ ထို့အပြင် အလားတူ ထုတ်ကုန်များအားလည်း တင်ပို့ရောင်းချလျက်ရှိပါသည်။

ယနေ့ကမ္ဘာ၏  ပထ၀ီနိုင်ငံရေးတွင် အရေးပါသောနေရာသို့ ရောက်ရှိနေပြီး စီးပွားရေးတွင် အရှိန် အဟုန် ပြင်းစွာဖြင့် ဖွံ့ဖြိုးတိုးတက်နေသော အရှေ့တောင်အာရှ နိုင်ငံများအသင်း အာဆီယံဒေသ

တွင် စုစုပေါင်းလူဦးရေ ၅၃၇.၁၁ သန်းနေထိုင်လျက်ရှိပြီး ကမ္ဘာ့လူဦးရေ စုစုပေါင်း၏ ၈.၆ ရာခိုင်နှုန်းရှိ၍ စီးပွားရေးအရလည်း ကမ္ဘာ့ ကုန်သွယ်မှု ပမာဏစုစုပေါင်း၏ ၅.၈ ရာခိုင်နှုန်းသောဝေစုကို ရယူထားလျက် ရှိသည်။ ဒေသတွင်း လူဦးရေ ၅ သန်းကျော်ရှိသော မြို့တော်ကြီးများဖြစ်သည့် ဘန်ကောက်၊ စင်္ကာပူ၊ ကွာလာလမ်ပူ၊ ဂျကာတာ၊ ဟိုချီမင်းစီးတီး၊ မနီလာ၊ ရန်ကုန်မြို့များသည် အာဆီယံ၏ စီးပွားရေးတွင် အရေးပါသော မြို့ကြီးများ ဖြစ်ကြသည်။

မိမိတို့နိုင်ငံ၏ မြို့တော်များအား ခေတ်မှီတိုးတက်သော မြို့တော်များအဖြစ်သို့ အဆင့်မြှင့်တင်ရာတွင် မြို့တော်များ၏ သယ်ယူပို့ဆောင်ရေး ကဏ္ဍကို အဓိကထား၍ အလေးပေး ဆောင်ရွက် ကြသည်ကို

တွေ့ရသည်။ အဘယ့်ကြောင့်ဆိုသော် မြို့တော်၏ လမ်းပန်းဆက်သွယ်ရေး လွယ်ကူချောမွေ့မှသာလျှင် ကုန်ထုတ်လုပ်မှုနှင့် ကုန်စည်စီးဆင်းမှု လျင်မြန်လာမည်ဖြစ်ပြီး စီးပွားရေး ပိုမိုဖွံ့ဖြိုး တိုးတက်လာ မည် ဖြစ်ပေသည်။ အာဆီယံမြို့တော်များ၏ သယ်ယူပို့ဆောင်ရေးကဏ္ဍကို လေ့လာကြည့်လျှင် မိမိတို့တတ်နိုင်သမျှသော နည်းလမ်းပေါင်းစုံဖြင့် ဖြည့်ဆည်း ဆောင်ရွက်လျက်ရှိသည်ကို တွေ့ရှိရပါသည်။ ဘန်ကောက်၊ စင်္ကာပူ၊ ကွာလာလမ်ပူနှင့် မနီလာမြို့များတွင် မြို့ပြသယ်ယူ ပို့ဆောင်ရေး လိုအပ်ချက်ကို mass rapid transit system ဖြစ်သည့် metropolitan ဖြင့်ပြောင်းလဲဖြည့်ဆည်းပြီးဖြစ်သည်။မြန်မာ
နိုင်ငံတွင် metropolitan မပြောနှင့် ကုန်တင်ကားဟောင်းများကို ရထားဘိန်းများတပ်၍ နယ်အချို့ တွင် ပြေးဆွဲနေကြရသည်။

မြန်မာနိုင်ငံသည် လယ်ယာစိုက်ပျိုးရေးဖြင့် ၁၉၆၀ ခုနှစ်လောက်က အောင်မြင်ခဲ့သည်။ ဖွံဖြိုးဆဲနိုင်ငံ များထဲတွင် မြန်မာ နိုင်ငံ၏ လယ်ယာ မြေ ဧက စုစုပေါင်း ၂၃ သန်း အနက် စပါး စိုက်ပျိုးသည့် ဧရိယာ ဟက်တာ ရှစ်သန်း ရှိပြီး စပါး တန်ချိန် သန်း ၃၀ ထုတ်လုပ် လျက် ရှိကြောင်း၊ မြန်မာ နိုင်ငံ၏ ဆန်စပါး ထုတ်လုပ်မှုမြင့် တက်လာသည့် အတွက် ပြည်တွင်း စားနပ်ရိက္ခာ လိုအပ်ချက်ကို ဖူလုံစွာ ဖြည့်ဆည်း

ပေးနိုင်သည့်အပြင် ပိုလျှံ လျက်ရှိကြောင်းသိရှိရသည်၊ အခြေခံ စားကုန်များ ဖြစ်သည့် ပြောင်း၊ ပဲ အမျိုးမျိုး၊ ဆီထွက် သီးနှံနှင့် စားဖိုဆောင်သီးနှံများ ထုတ်လုပ်မှုသည်လည်း ပြည်တွင်းစားသုံးမှုထက် ကျော်လွန်လျက် ရှိကြောင်း၊ ပဲမျိုးစုံစိုက်ပျိုး ထုတ်လုပ်မှုနှင့် ပြည်ပသို့တင်ပို့ ရောင်းချမှုတွင် အာဆီယံဒေသ၌ ဦးဆောင်နိုင်ငံ အဖြစ် ရပ်တည်လျက်ရှိသည်၊ဖွင့်ဖြိုးဆဲကာလတွင် စိုက်ပျိုးရေးနိုင်ငံထူထောင်၍ သဘာဝရေမြေတော

တောင် ရာသီဥတုအရ စိုက်ပျိုးရေးကိုဦးစားပေးဆောင်ရွက်သင့်သည်။

လေတလုံးမိုးတလုံးဖြင့် စစ်ကောင်စီ ဥက္ကဌကြီး၏ ညွန်ကြားချက်ဖြင့် စက်မှုနိုင်ငံလို့ ကြွေကျော်ခဲ့သောလည်း အဌား ဥနှောက်ဖြင့် အတွေးအခေါ်ခေါင်းပါးမှုကြောင့် မိမိတို့ လဒ်စားမှုမျိုးလို ငွေလွယ်လွယ်ရရှိအောင်

မြစ်ဆုံစီမံကိန်းကို ဥက္ကဌကြီးလက်မှတ်ရေးထိုးခဲ့ပြီး လျှပ်စစ်ဓါတ်အားကို (အရင်းမစိုက်လှေထိုးလိုက်)ခဲ့မီ၍ ဥာဏ်ကြီးရှင်တို့ က တိုင်းပြည်ကိုချောက်ထဲထိုးချခဲ့ကြသည်။သယံဇာတပေါကြွယ်ဝသောမြန်မာနိုင်ငံ ကို အခြေခံကျကျ ဥာဏ်အမျှော်အမြင်ဖြင့် တည်ဆောက်ခဲ့လျှင် ယခုအချိန်သည် ဖွင့်ဖြိုးတိုးတက်နေပြီဖြစ် သည်။

မီးမှန်အောင်မပေးနိုင်သောနိုင်ငံက စက်မှုနိုင်ငံလို့ ပြောရဲတာ ရှက်စရာပင်ကောင်းလှပါသည်။ဝမရှိဘဲ ၀ိလုပ် ချင်လို့  နိုင်ငံကိုတရုတ်ကွန်မြုလက်ထဲထိုးရောင်ခဲ့သော ဗိုလ်ချုပ်ကြီးများက သူများနှာခေါင်းပေါက်ဖြင့် အသက်ရှုရန်ကြိုးစားခဲ့၍ အခက်အခဲများနှင့်ရင်ဆိုင်ခဲ့ရသည်။တိုင်းပြည်၏အရေးကိစ္စများကိုဆောင်ရွက်ရာ တွင် ပညာရှင်များနှင့် ပြည်သူ့ ဆန္ဒကိုခံယူတတ်သော အလေ့အကျင့်များမရှိဘဲ ထင်ရာလုပ်တတ်သည့် အသိဥာဏ်ခေါင်းပါးမှုကြောင့် တိုင်းပြည် နှစ် ၅၀ နီးပါး ကမ္ဘာနှင့်ယှဉ်လျှင် နောက်ကျကျန်နေခဲ့ရခြင်းဖြစ် သည်။

မြန်မာနိုင်ငံသည် လက်တွေ့ အနေအထားအရ နေ့ စားလစာနှင့်ဝန်ထမ်းလစာများ နှိမ့်ကျနေမှုကြောင့် ကမ္ဘာ့ အလုပ်သမား တနေ့ ဝင်ငွေစံနှုန်း၏ ၁ဒေါ်လာအောက်တွင်ရှိနေပြီး ပြည်သူများစားဝတ်နေရေး မဖြေလည်မှုများဖြင့်ရင်ဆိုင်နေရပြီး လူနေမှုအဆင့်အတန်းနှိမ့်ကျလျှက်ရှိသည်ကို ရန်ကုန်မြို့ တော်ကြီးတွင် ထိုအခြေအနေကို တွေ့ မြင်ရပေမည်။

နာရေးကူညီမူအသင်း၏ဆောင်ရွက်ချက်များ

တရားရှာ ခန္ဓာမှာရှိ    သာဓုခေါ်နိုင်ကြပါစေ

နာရေးကူညီမှုအသင်း ပေါ်ပေါက်လာစေရန် မျိုးစေ့ချပေးသူ ရုပ်ရှင်ဒါရိုက်တာ၊ စာရေးဆရာ ဦးသုခအား ရည်ဆူး၍ ဦးကျော်သူနှင့် ဒေါ်မြင့်မြင့်ခင်ဖေ ဦးဆောင်ကာ နာရေး ကူညီမှုအသင်း(ရန်ကုန်)ရုံးချုပ် အဆောက်အအုံသစ်ဖွင့်လစ်၍ လူမှုရေး လုပ်ငန်းများတွင် စိတ်ဝင်စားသော ဂီတအနုပညာရှင် များဖြစ်သည့် ကိုရဲလွင်၊ ဆောင်းဦးလှိုင်နှင့် ရုပ်ရှင် ဂီတ ပညာရှင်များနှင့် အသင်းမှ ပြုစုပျိုး ထောင်ထားသော  မျိုးဆက်သစ် ကလေးငယ်များကို မွေးထုတ်ပေးလျှက် ရှိသည်။

အဆိုပါ နာရေးအသင်းကို အားကျအတုယူ၍ တခြားသော ဒေသများတွင်လည်း နာရေးကူညီမှုအသင်းများ ထူထောင်ကြပြီး ဒေသခံများကို ကူညီဆောင်ရွက်ပေးလျှက်ရှိကြရာ ဆင်းရဲနွမ်းပါးသူ မိသားစုများပါမက တချို့ငွေကြေးတတ်နိုင်သူများကပင် နာရေးကူညီမှု အသင်း(ရန်ကုန်)ကို လေးစားတန်ဖိုးထားကြသည်။

မြန်မာနိုင်ငံ၏ ဒုတိယအဆိုးဝါးဆုံး ၀န်ကြီးဌာန၏ ဆောင်ရွက်ချက်များ

မြန်မာနိုင်ငံ၏ ဒုတိယအဆိုးဝါးဆုံး ၀န်ကြီးဌာန၏ ဆောင်ရွက်ချက်များ

စစ်အစိုးရ အာဏာသိမ်းပြီးကတည်းကအမိမြန်မာနိုင်ငံတော်ကြီးသည်  နိုင်ငံပိုင်သတင်းစာတွင် ဘယ်လောက်တိုးတက်နေပါပြီ… ဘာတွေဆောက်ပြီးပါပြီ ဟု ကြေငြာနေသောငြား နိုင်ငံတကာ နှင့် မဆို အိမ်နီးချင်းနိုင်ငံအသေးလေးများ နှင့်ပင် ယှဉ်၍ မရအောင် နိမ့်ကျ ကျန်ခဲ့လေသည်။  ထိုသို့ ဘာကြောင့် ပြည်သူတွေ ဆင်းရဲဒုက္ခတွေများပြီး နိုင်ငံ အဲလောက်ထိ အဆင့်နိမ့်ကျ သွားရခြင်း ၏ အဓိက တရားခံသည် ကဏ္ဍအသီးသီးတွင် အကောင်အထည်ဖော်နေသော ၀န်ကြီးဌာနများ ၏ လာဘ်စားမူနှင့် ကိုယ်ပိုင်ပိုက်ဆံအဖြစ် အိတ်ထဲထည့်ခြင်းကြောင့်သာ ဖြစ်လေသည်...

ယူနီဗာဆယ် ၀ိုင်းတော်သားများသည် အမာခံပြည်သူများ၊ ဒီမိုဘက်တော်သားများနှင့် လက်ရှိအစိုးရအတွင်းရှိ ဒီမိုဝန်ထမ်းပေါင်း များစွာ၏ အကူအညီများကို ရယူကာ ပြည်သူကို အနှိပ်စက်ဆုံးနှင့် ဒုက္ခ၀န်ထုပ်ဝန်ပိုး များကို ပေးသော ၀န်ကြီး ဌာနများ၏ စာရင်းပြုစုခဲ့ပါသည်။ ၂၀၀၇ စက်တင်ဘာ သံဃာ့ အရေးအခင်းကြီး ဖြစ်ပြီးချိန်ကစကာ၊ ၂၀၁၀ ရွေးကောက်ပွဲ အပါအ၀င်၊ ၂၀၁၁ လက်ရှိ သမ္မတ ဦးသိန်းစိန် တာဝန်ထမ်းဆောင်နေချိန်အထိ ဒီမိုကရေစီ အင်တာနက်စာမျက်နှာများ၊ ပြည်သူ့အသံများနှင့် ရင်ဖွင့်သံများကိုစုစည်းကာ အဆိုးရွားဆုံး ၀န်ကြီး ဌာနများ၏ ဖြစ်ပျက်ပုံများကို ဖော်ပြပေးလိုက်ပါတယ်…

မြန်မာပြည်သူ လူထုကို ဒုက္ခအပေးဆုံး ၀န်ကြီး ဌာနများကို စာရင်းပြုစုရာတွင် ….

(၁) မြန်မာနိုင်ငံ ပြည်သူ့ရဲတပ်ဖွဲ့ နှင့် ကြံ့ခိုင်ရေးနှင့် ဖွံ့ဖြိုးရေးပါတီ

(၂) လူဝင်မူကြီးကြပ်ရေးနှင့် ပြည်သူ့အင်အားဝန်ကြီးဌာန

(၃) စည်ပင်သာယာ ၀န်ကြီး ဌာန

(၄) လျှပ်စစ်စွမ်းအား ၀န်ကြီးဌာန

(၅) ဘဏ္ဍာရေးနှင့် အခွန်ဝန်ကြီးဌာန

(၆) စွမ်းအင် ၀န်ကြီးဌာန

(၇) စီးပွားရေးနှင့် ကူးသန်းရောင်းဝယ်မူ ၀န်ကြီးဌာန

(၈) နယ်စပ်ရေးရာ ၀န်ကြီးဌာန

(၉) ကုန်းလမ်းပို့ဆောင်ရေးနှင့် ညွှန်ကြားရေး ၀န်ကြီးဌာန

(၁၀) ကျန်းမာရေး ၀န်ကြီး ဌာန စသဖြင့် အဆင့်ဆင့် ဦးဆောင်နေပါတယ်…

နံပါတ် (၁) အဆိုးရွားဆုံး မြန်မာနိုင်ငံ ရဲတပ်ဖွဲ့နှင့် ကြံ့ဖွံ့ တို့၏ ပြည်သူကို မတရား နှိပ်စက်မူသည် ရာခိုင်နှူန်း ၉၀ ဖြစ်ပြီး၊ ၂ မိနစ် လျှင် တစ်ကြိမ်နှူန်း ရဲ နှင့် ပြည်သူသည် ထိပ်တိုက် ပြဿနာများ ဖြစ်ပွားနေသည်။

နံပါတ် (၂) အဆိုးရွားဆုံး လ၀က ဌာနသည် ရာခိုင်နှူန်း ၆၀ ဖြင့် ပြည်သူကို နှိပ်စက်နေပြီး၊ ၁၀ မိနစ် လျှင် တစ်ကြိမ်နှူန်း လ၀က ၀န်ထမ်းများ၏ ညစ်ပတ်မူများကို အပြစ်မဲ့ပြည်သူများ ခံစားနေရသည်။

နံပါတ် (၃) စည်ပင်သာယာ၏ ဒုက္ခပေးမူသည် ၃၀ မိနစ်တွင် တစ်ကြိမ်နှူန်း ခံစားနေရသည်… လမ်းဘေးဈေးသည်များအဖို့ ဒီထက်ပင်ပိုသည်ဟု ဆိုပါသည်။

နံပါတ် (၄) ဖြစ်သော လျှပ်စစ်စွမ်းအား ၀န်ကြီးဌာန၏ နှိပ်စက်မူသည် ၁၂ နာရီလျှင် တစ်ကြိမ်နှူန်း ဖြစ်နေသည်… စက်မူဇုံမှ လုပ်သားများနှင့် ဂတ်စ်ထည့်ကားသမားများမှာ ထို နှိပ်စက်မူဒဏ်ကို အလူးအလဲခံနေရသည်။

ကျန်ရှိသော ၀န်ကြီးဌာန များမှာမူ ရက်အလိုက်၊ လအလိုက် ပြည်သူကို ဒုက္ခမျိူးစုံပေးကာ ဂုတ်သွေးစုပ်လျှက်ရှိနေပါသည်…. ထိုသို့ ဒုက္ခမျိုးစုံကြောင့် မြန်မာပြည်သူပြည်သားများသည် ကိုယ်တတ်သည့် အသက်မွေးဝမ်းကျောင်း ပညာဖြင့် ခက်ခဲပင်ပန်းစွာ ရှာဖွေစားသောက်နေရလေသည်….စားဝတ်နေရေးအတွက် အလုပ်လုပ်သော လုပ်ငန်းတိုင်းလိုလို ထို ၀န်ကြီးဌာနများနှင့် ပတ်သတ်ပြီး စိတ်ဆင်းရဲရလေသည်…

အထက်ပါ ၀န်ကြီးဌာနများသည် သူ့လုပ်ငန်းစဉ်နှင့်သူသာ ပတ်သတ်သောလည်းပဲ နံပါတ် (၂) အဆိုးရွားဆုံး လ၀က ၀န်ကြီးဌာနကတော့ အလွန်အရေးကြီးသည့် နိုင်ငံသား ဖြစ်တည်မူနှင့် ပတ်သတ်နေသည်… မြေမြို၍ လူမျိူးမပြုတ်၊ လူမျိူမှ လူမျိူးပြုတ်မည်… ဆိုသည့် ဆောင်ပုဒ်ကို လက်ကိုင်ထားသော လ၀က ၀န်ကြီးဌာနအဖို့ မြေမျိူ၍ လူမျိုးမပြုတ်၊ လ၀ကမျိူမှ လူမျိူးပြုတ်မည် ဆိုသကဲ့သို့ ဖြစ်နေလေသည်…

ဗမာလူမျိူး မိဘ ၂ ပါး က မွေးဖွား၍ ဗမာစစ်သော မြန်မာလူမျိူးအဖို့ ကိုယ့်နိုင်ငံကပေးသော  နိုင်ငံသားစီစစ်ရေးကဒ်ပြား ကို  တန်ရာတန်ကြေးပေးမှသာ ရလေသည်… လ၀က ဌာန၏ တစ်နိုင်ငံလုံးအတိုင်းအတာဖြင့် ၀န်ထမ်းတွေ လာဘ်စားသည်ကို စစ်တမ်းကောက်ယူဖို့ကတော့ လွယ်တဲ့အလုပ်တော့ မဟုတ်ပေ…

ထို့ကြောင့် ယူနီဗာဆယ် ၀ိုင်းတော်သားများသည် မြန်မာနိုင်ငံ၏ စီးပွားရေးမြို့တော်ဖြစ်သော ရန်ကုန်၊ မန္တလေး နှင့် နယ်စပ်မြို့များဖြစ်သော မြ၀တီ၊ မူဆယ်၊ တမူး နယ်စပ်မြို့များမှ လ၀က ၀န်ထမ်းများ လာဘ်ငွေ ပျှမ်းမျှ မည်၍ မည်မျှ ပေးဆောင်ရသည်ကို စစ်တမ်းကောက်ယူထားပါသည်…

လ၀က ၀န်ကြီးဌာန သည် နိုင်ငံသားကဒ်ကို ထုတ်ပေးရာတွင် ဗမာလူမျိူးစစ်စစ်၊ တိုင်းရင်းသား နှင့် ဘာသာခြား ဟူ၍ ခွဲခြားထားသည်… မြို့ကြီး များတွင် တော့ မှတ်ပုံတင်ထုတ်ပေးရတွင် တိုင်းရင်းသားလူမျိူး ပြဿနာသိပ်မရှိပေ… အမေ၊ အဖေကစ၍ အဘိုး၊ အဖွား ရဲ့ အဖေ၊ အမေထိ ဗမာလူမျိူးစစ်သော ဗမာအဖို့ တော့ ဖိုင်ဟောင်းရှာခ၊ တံဆိပ်နှိပ်ခ၊ လက်ဗွေနှိပ်ခ အခမျိူးစုံ၊ ရုံးမျိူးစုံပြေးပြီး အပြီးအစီး

မြန်မာငွေ ၈ သောင်းမှ ၁ သိန်းခွဲ တွင် ကုန်ကျပါသည်…. ထို့နောက် ဗမာလူမျိူးစစ်ပေမယ့် ဘာသာခြားဖြစ်တာကြောင့် ဈေးနှူန်းသည် အပြီးအစီး ၂ သိန်းမှ ၃ သိန်းအထိ လာဘ်ငွေ ယူပြီး လုပ်ပေးပါသည်….

ဒါသည် ဗမာ လူမျိူး စစ်စစ်၏ ဈေးနှူန်းဖြစ်ပြီး ဘာသာခြားလည်းဖြင့်၊ အဖေ၊ အမေ ဒါမှမဟုတ် အဘိုးအဘွားက နိုင်ငံခြားလူမျိူးဖြစ်ပြီး FRC ကိုင်ဆောင်ထားလျှင်တော့ ဈေးနှူန်းသည် သက်ဆိုင်ရာ မြို့နယ်၏ ညွှန်မှူးပါးစပ်ထဲတွင် ဈေးဖြစ်သွားပါသည်….နယ်စပ်မြို့များရှိ လ၀က ဌာနများတွင် တိုင်းရင်းသား မှတ်ပုံတင်ထုတ်ပေးရာတွင်တော့ ၀န်ထမ်းများ၏ ညစ်နည်းမျိူးစုံကိုတွေ့ရပါသည်…

ပြီးခဲ့သည့် အောက်တိုဘာလတွင် သျှမ်းပြည်နယ် တွင် အသက်ကြီးမှ နိုင်ငံသားကဒ်ထုတ်ပေးသော သျှမ်းအဘိုးအို အဖို့ လ၀က ၀န်ထမ်း၏ ပါးရိုက်၍ ပြန်လွတ်သည့် အမူမျိုးတောင် ဖြစ်ပွားခဲ့သလို…. မူဆယ်၊ တာချီလိတ် ရှိ နယ်စပ်ဂိတ်မျာ်းတွင်စစ်သော လ၀က ၀န်ထမ်းများ၏ မိုက်ရိုင်းစွာဆက်ဆံပြီး အနိုင်ကျင့် ပိုက်ဆံတောင်းမူများလည်း ရှိနေပါတယ်….မြ၀တီ လ၀က ဌာနကတော့ ဒီလို အနိုင်ကျင့်မူမျိုး များများစားစား မတွေ့ရပေမယ့် လာဘ်ငွေ တောင်းတဲ့ နေရာမှာတော့ နာမည်ကြီးလှပါတယ်… တိုင်းရင်းသားတစ်ယောက်အဖို့ကော၊ ဗမာလူမျိူး တစ်ယောက်အဖို့ကော ပိုက်ဆံတွေကုန်၊ လူတွေ မောပြီးမှ ထွက်လာတော့ ၃ ခေါက်ချိူးလို မှတ်ပုံတင်မျိုး၊ ပြီးရင်ပြန်လဲဖို့ ရှိသေးတဲ့ အစိမ်းရောင်ကဒ်၊ နောက်ဆုံးမှ နိုင် ပါတဲ့ မှတ်ပုံတင်ကဒ်ထုတ်ပေးပါတယ်…

ရှင်းလင်းသော အရာတွေကို မရူပ်ရူပ်အောင်လုပ်ပြီး ပိုက်ဆံတောင်းတဲ့နေရာမှာတော့ မြို့ကြီး တွေက လ၀က ရုံးတွေထက် မြ၀တီ လ၀က ၀န်ထမ်းတွေ  သာတယ်လို့ အမာခံ သတင်းပေးတွေက ပြောကြပါတယ်….

အထက်တန်းကျောင်းတွေမှာ လ၀က ၁၀ နှစ်ပြည့် မှတ်ပုံတင်ထုတ်ပေးရာမှာလည်း ပုံစံဖြည့်၊ သွေးအမျိူးအစားစစ် တာတွေ အားလုံးကို ၇ ထောင်ခန့် ကုန်ပြီး မိဘက စိတ်ပူပူနဲ့ လ၀က ရုံးကို ပိုက်ဆံနဲ့ လိုက်မှသာ ကိုယ့်သားသမီး မှတ်ပုံတင်ကဒ်ရမှာဖြစ်ပါတယ်… ရုံးမှာ ကဒ်ထုတ်ခက ၂၀၀၀ မှ ၅၀၀၀ အထိ ကုန်ပါတယ်… ဘာသာခြား ကျောင်းသားကိုတော့ ကျောင်းမှာကတည်းက သီးသန့် စီချန်ထားခဲ့ပြီး ရုံးမှာ သွားလုပ်ရင်လည်း ကျောင်းမှာလုပ်ပေးတဲ့ လ၀က ရဲ့သီးသန့်အစီအစဉ်ထဲမှာ မပါဘူးဆိုပြီး အစမှ ပြန်လုပ်ခိုင်းကာ အထက်မှာဖော်ပြတဲ့ လာဘ်ငွေ ဈေးအတိုင်း ဖြစ်လာပါတော့တယ်….

လွန်ခဲ့တဲ့ ၃ နှစ်က  ဒီလို ကျောင်းမှာ ဘာသာခြား ကျောင်းသားတွေကို လုပ်ပေးမလိုလိုနဲ့ ကျောင်းက ပိုက်ဆံတွေကောက်ပြီး မှတ်ပုံတင်မရခဲ့လို့ အထက (၁) တာမွေ  နဲ့ ဗိုလ်တထောင် (၅) က ဘာသာခြားကျောင်းသားလေးတွေ ကျောင်းကလုပ်ပေးထားတဲ့ မှတ်ပုံတင်စာရွက်စာတမ်းတွေ ဆွဲဆုတ်ပြီး ကျောင်းသား နဲ့ဆရာ တွေကြားမှာ အဓိကရုဏ်းပုံစံမျိုးဖြစ်ပွားခဲ့ပါတယ်....

လ၀က ၀န်ကြီးဌာနက အထပ်ထပ်အခါခါ လာဘ်ငွေစား စစ်ဆေးပြီး လုပ်ပေးလိုက်တဲ့ နိုင်ငံသားစီစစ်ရေးကဒ်ဟာ တစ်ချို့ တိုင်းရင်းသားတွေတောင် မြန်မာနိုင်ငံထဲ ခရီးသွားတာ ထောက်ခံစာယူနေရပါတယ်…. နယ်စပ် စစ်ဆေးရေးဂိတ်တွေ၊ အဝေးပြေးဂိတ်တွေ၊ အဝေးပြေး ကားပေါ်တွေ၊ ရထားတွေပေါ်မှာ နိုင်ငံသားကဒ်စစ်လို့ ရှိရင် ၅၀၀ နဲ့ ၁၀၀၀ ကြား၊ မရှိရင် ၂၀၀၀ နဲ့ ၄၀၀၀ ကြား မသင်္ကာရင် စစ်ဆေးထိန်းသိမ်းထားပြီး ကိုယ့်မှာရှိတာပါ အကုန်သိမ်းခံရပါတယ်…. ကျန်းမာရေး ကဏ္ဍ အနေနဲ့ကြည့်လို့ရှိရင်လည်း ကိုယ်မြန်မာနိုင်ငံသားတစ်ယောက်ဖြစ်လို့ ဘာအခွင့်ထူး မှ ခံစားခွင့်မရှိပါဘူး…. ပိုက်ဆံ ပါမှသာ ဆေးကုနိုင်ပါတယ်…. နောက်ဆုံးကုန်ကုန်ပြောရရင် လ၀က ထုတ်ပေးလိုက်တဲ့ နိုင်ငံသားစီစစ်ရေးကဒ်ဟာ ပလပ်စတစ် အမာစားသာ မလောင်းထားရင် ဘယ်လိုမှ ကိုင်လို့ မရတဲ့ အနေအထားမှာရှိပါတယ်….

ထို့ကြောင့် နိုင်ငံတော်ကို ပွင့်လင်းတဲ့ ဒီမိုကရေစီ စနစ်သစ်တွေနဲ့ ဆက်သွားမယ်လို့ ပြောတဲ့ သမ္မတ ဦးသိန်းစိန်၊ ဒီမိုဘက်တော်သားပါလို့ ကိုယ့်ကိုကိုယ် ၀န်ခံ တဲ့ အောက်လွှတ်တော် ဥက္ကဋ္ဌ သူရဦးရွှေမန်း ၊ ၆ ကျပ်နဲ့ နိုင်ငံသားကဒ်ကို ထုတ်ပေးပါ့မယ်ဆို တဲ့ ကတိစကားကို အမြန်ဆုံးအကောင်အထည်ဖော်နိုင်အောင် ကြိုးစားပါလိုတိုက်တွန်းရင်

ပိုကျသွားသော ဓနုတ်စေတီ ပြန်လည်တည်ဆောက်ရေးအတွက် အလှူငွေ သိန်းပေါင်း တသောင်းကျော် လိုအပ်သည်

ဗိုလ်ချုပ်မှူးကြီး သန်းရွှေမိသားစု ဦးစီး ထီးတော်တင်ပြီး မကြာမီ ပြိုကျသွားသော ရန်ကုန်မြို့ပြင်ရှိ သမိုင်းဝင် ဓနုတ်စေတီ ပြန်လည် တည်ဆောက်ရန် အလှူငွေ အများအပြား လိုအပ်နေသဖြင့် ရွှေတိဂုံဘုရားတွင် အလှူခံလျက်ရှိသည်။

၂၀၀၉ ခုနှစ် မေလက ဓနုတ်စေတီတွင် ထီးတော် တင်လှူ ပူဇော်နေသော ဗိုလ်ချုပ်မှူးကြီးသန်းရွှေ၏ မိသားစု 

သို့သော်လည်း အလှူငွေ အနည်းငယ်သာ ရသေးသည်ဟု ဓနုတ်စေတီဂေါပကအဖွဲ့ ထံမှ သိရသည်။

“စေတီတော်ကြီးပြန်တည်ဖို့ လိုတာက ကျပ်သိန်းပေါင်း ၁၃၀၀၀ လိုတယ်။ အခု ရွှေတိဂုံမှာ အလှူခံနေပါတယ်။ တနေ့ကို သုံးသိန်းလောက် ရတယ်။ ဒါပေမဲ့လည်း လိုအပ်တဲ့ အလှူငွေကို ရဖို့ နှစ်ပေါင်းများစွာ အလှူခံရမလို ဖြစ်နေတယ်” ဟု အလှူခံရာတွင် ပါဝင်သည့် ဂေါပကအဖွဲ့ဝင်တဦးက ပြောသည်။

ဒလမြို့နယ်ရှိ ဓနုတ်စေတီကြီး ပြိုကျပြီး ၂ နှစ်ခွဲကျော် အကြာတွင် ဒေသခံများနှင့် ဘုရားဂေါပကအဖွဲ့က ပြန်လည် တည်ဆောက်ရေး အလှူငွေ စတင် ကောက်ခံခြင်းဖြစ်ကြောင်း သိရသည်။

ဒလမြို့နယ်ဒေသခံတဦးက “စေတီ ပြန်တည်ဖို့ မြေတိုင်းတာတွေ ဘာတွေကိုတော့ ရွှေသံလွင်ကုမ္ပဏီက လုပ်ပါတယ်။ သို့သော်လည်း ကုမ္ပဏီဘက်ကလည်း သိပ်ပြီးတော့ တက်တက်ကြွကြွ မရှိဘူး။ ဘယ်အချိန်မှ စေတီကြီး ပြန်တည်နိုင်မလဲ ဆိုတာ တိတိကျကျ ရေရေရာရာ မရှိဘူး” ဟု  ဆိုသည်။

၂၀၀၉ ခုနှစ် မေလ ၇ ရက်နေ့က ဗိုလ်ချုပ်မှူးကြီးသန်းရွှေ၏ဇနီး ဒေါ်ကြိုင်ကြိုင် ဦးစီးပြီး ထီးတော် တင်လှူခဲ့သော ဓနုတ်စေတီကြီးသည် ၂၃ ရက်အကြာတွင် ပြိုကျခဲ့သည်။

ယခုနှစ် မတ်လကုန်ပိုင်းက စစ်အစိုးရအဖွဲ့ကို ဖျက်သိမ်းပြီးနောက် ဗိုလ်ချုပ်မှူးကြီးသန်းရွှေ နှင့် မိသားစု၏ လှုပ်ရှားမှုများကို အစိုးရမီဒီယာများတွင် ဖော်ပြခြင်း မရှိတော့ပေ။

သို့သော်လည်း  ဗိုလ်ချုပ်မှူးကြီးသန်းရွှေ၏ ဓာတ်ပုံကို အစိုးရ၀န်ကြီးရုံးများ အပါအ၀င် ဌာနဆိုင်ရာများတွင် ချိတ်ဆွဲထားဆဲဖြစ်သည်။

ဗိုလ်ချုပ်မှူးကြီးသန်းရွှေ မိသားစုက စေတီမပြိုကျမီ မွမ်းမံပြင်ဆင်မှု၊ ထီးတော်တင်မှုတို့တွင် ပါဝင်ခဲ့သော်လည်း ယခု  ပြန်လည် တည်ဆောက်ရေး အစီအစဉ်တွင် ပါဝင်လှူဒါန်းမှု မပြုလုပ်တော့ကြောင်း သိရသည်။

ဓနုတ်စေတီပြိုကျမှုတွင် လူ ၂၀ ထက် မနည်း သေဆုံးပြီး ၁၀၀ ကျော် ဒဏ်ရာရခဲ့သည်ဟု  ဒေသခံများက ပြောသည်။

အစိုးရ၏ ထုတ်ပြန်ချက်တွင်မူ သေဆုံးသူ ၂ဦး၊  ဒဏ်ရာရသူ ၃၄ ဦး ရှိသည်ဟု ဖော်ပြခဲ့သည်။

စေတီကို မူလပုံစံအတိုင်း ဖြစ်စေရန် တည်ဆောက်ရာမှ မျှော်မှန်းမထားသည့် ၀န်ပိုများ ရှိခဲ့ကြောင်း၊ မိုးမကျမီ ပြင်ဆင်မှုလုပ်ငန်း အပြီးသတ်ရန်  ကြိုးစားရာတွင် အရည်အသွေးဆိုင်ရာ လိုအပ်ချက်များ ရှိခဲ့ကြောင်း စသည်ဖြင့် စေတီ ပြိုကျရသည့် အကြောင်းရင်းကို အစိုးရက ထုတ်ပြန်ခဲ့သည်။

ဓနုတ်စေတီကြီးကို သာသနာ သက္ကရာဇ် ၂၄၀ ပြည့်နှစ်တွင် သထုံမင်း စူဠသီရိမာသောက အထောက်အပံ့ ဖြင့်တည်ထားခဲ့ကြောင်း၊ ဒုန္နိဂ္ဂဟ စေတီ ဟူသော ဘွဲ့အမည် တွင်ခဲ့ပြီး နောင်တွင် ဓနုတ်စေတီဟု ပြောင်းလဲလာကြောင်း ဘုရားသမိုင်းတွင် ဖော်ပြထားသည်။

စေတီကြီးကို ဗညားဦး၊ သုတသောမ ရာဇဓိရာဇ်၊ ရှင်စောပု၊ ဓမ္မစေတီ၊ တပင်ရွှေထီး၊ ဘုရင့်နောင်၊ သာလွန်မင်း၊ မင်းရဲကျော်ထင်၊ ဘိုးတော်မင်းတရား စသည့် မွန်၊ မြန်မာ ဘုရင် အဆက်ဆက်က ပြုပြင် ကိုးကွယ်ခဲ့ကြောင်း မှတ်တမ်းများတွင် ဖော်ပြထားသည်။

ကယားပြည်နယ် အတွင်း တည်ဆောက်ရန် စီစဉ်ထားသည့် ရေအားလျှပ်စစ် စီမံကိန်း ၃ ခုကို ရပ်ဆိုင်းပေးရန် ကရင်နီ ဖွံ့ဖြိုးရေး သုတေသန အဖွဲ့(KDRG )က ယနေ့ တောင်းဆို လိုက်သည်။

ကယားပြည်နယ်တွင် တရုတ်နိုင်ငံ ဒါးတန်းကော်ပိုရေးရှင်း(Datang Corporation)နှင့် မြန်မာအစိုးရတို့ ပူးပေါင်းတည်ဆောက် မည့် လျှပ်စစ် ဓာတ်အား မဂ္ဂါဝပ် ၆၀၀ ထုတ်လုပ်ပေးနိုင်သော ရွာသစ် ရေကာတာ၊ မဂ္ဂါဝပ် ၁၃၀ ထုတ်လုပ်ပေးမည့် ပွန်ချောင်းနှင့် မဂ္ဂါဝပ် ၁၁၀ ထုတ်လုပ်ပေးနိုင်သော သဘက်ချောင်း ရေကာတာစီမံကိန်းများကို ရပ်ဆိုင်းပေးရန်ဖြစ်ကြောင်း KDRG တာဝန် ခံ ခူးတော်ရယ်က ပြောပြသည်။

၁ လကျော် ရေမြုပ်နေသည့် ကယားပြည်နယ်အတွင်း တနေရာ 

“ရေကာတာသစ်တွေ ဆောက်ရင် ပိုပြီးဆိုးလာနိုင်မယ့် ဒုက္ခတွေ ဖြစ်မှာကို ကျနော်တို့ အလွန်ပဲ စိုးရိမ်တယ်”ဟု ခူးတော်ရယ် က ဆိုသည်။

လတ်တလောတွင်လည်း စက်တင်ဘာလ အစောပိုင်းက မိုး ဆက်တိုက်ရွာသွန်းခဲ့ပြီး မိုးဗြဲရေကာတာမှ ရေများ အဆက်မပြတ် ဖွင့်ချခဲ့မှုကြောင့် ကယားပြည်နယ် လွိုင်ကော်မြို့နှင့် အနီးဝန်းကျင်ရွာများ ရေကြီးရေလျှံဖြစ်နေသည်မှာ ၁ လကျော် ရှိနေပြီဖြစ် သည်။

ဘီလူးချောင်း အနီးရှိ ကျေးရွာ ၃ ရွာနှင့် လယ်ဧက ၅၀၀ ခန့်မှာ ယခုအချိန်အထိ ရေမြုပ်နေကြောင်း သိရသည်။

ထို ရေလွှမ်း မိုးမှု ခံနေရခြင်းကို ထောက်ပြ၍ ရေအားလျှပ်စစ် စီမံကိန်းများ ရပ်ဆိုင်းပေးရန် KDRG အဖွဲ့က ကြေညာချက်ထုတ် ၍ အစိုးရ အာဏာပိုင်များကို တောင်းဆိုခြင်း ဖြစ်သည်။

ခူးတော်ရယ်က“အသက် ၅၀ လောက် အရွယ်တွေကို မေးကြည့်တော့ သူတို့ ဒီလောက်ရေကြီးတာ ဘ၀မှာ တခါမှမကြုံဖူးဘူး ပြောတယ်၊ ရေကြီးရတဲ့ အကြောင်းက မိုးရွာတာ တခုတည်း မဟုတ်ဘူး၊ ဆည်ရဲ့အကျိုးသက်ရောက်မှုကြောင့် ပါပဲ၊ အောက်ခြေမှာ ခံစားနေရတာကို ကျနော်တို့က တင်ပြတာပါ”ဟု ဆိုသည်။

သမ္မတ ဦးသိန်းစိန်၏ မြစ်ဆုံ ရေကာတာ ခေတ္တ ရပ်ဆိုင်းရေးနှင့် ပတ်သက်၍ ကြေညာခဲ့သည့်အပေါ် KDRG အနေဖြင့် အားရ ကျေနပ်စွာ ကြိုဆိုကြောင်း၊ ယင်း အန္တရာယ် ဖြစ်စေနိုင်မည့် ရေကာတာ စီမံကိန်းအသစ်များကို ရပ်ဆိုင်းပေးရန်၊ လူမှုရေးနှင့် သဘာဝပတ်ဝန်းကျင် ထိခိုက်နစ်နာမှုများကို ပြန်လည် စုံစမ်းစစ်ဆေးပေးရန် လိုကြောင်းလည်း KDRG ၏ ကြေညာချက်၌ ပါရှိသည်။ 

အဆိုပါ ရေအားလျှပ်စစ် စီမံကိန်း ၃ ခုဆောက်လုပ်ရန် ယခင်စစ်အစိုးရက ဒါးတန်းကော်ပိုရေးရှင်းနှင့်၂၀၁၀ ပြည့်နှစ် ဇန်န၀ါရီ လက နားလည်မှု စာချွန်လွှာ လက်မှတ်ရေးထိုးခဲ့ခြင်း ဖြစ်သည်။

ဒါးတန်းကော်ပိုရေးရှင်းသည် ကုလသမဂ္ဂ၏ Global Compact ခေါ် ကမ္ဘာတ၀န်းလုံးက သဘောတူလက်ခံထားသည့် လူ့အခွင့် အရေး၊ သဘာဝ ပတ်ဝန်းကျင်နှင့် လုပ်အားစံနှုန်းများ စသည့် မူဝါဒများကို လက်ခံလိုက်နာမည်ဟု လက်မှတ်ရေးထိုးကာ အဖွဲ့ ၀င်ထားသော စီးပွားရေးလုပ်ငန်း ကုမ္ပဏီတခု ဖြစ်ကြောင်း သိရသည်။

စစ်အစိုးရက တရုတ်နှင့် ထိုင်းနိုင်ငံရှိ ကုမ္ပဏီများ ပူးပေါင်း၍ သံလွင်မြစ်မကြီးနှင့် မြစ်လက်တက်များပေါ်တွင် ရေကာတာ ၇ ခု ကို တည်ဆောက်ရန် လျာထားခဲ့သည်။

တရုတ်ကုမ္ပဏီများနှင့် အဓိက တာဝန်ယူ ဆောက်လုပ်နေသည့် ရေအားလျှပ်စစ်စီမံကိန်းများ အတွက် လျှပ်စစ် ဓာတ်အား ပမာဏ ၃၅၆၄၀ မဂ္ဂါဝပ်ထွက်ရှိရန် မျှော်လင့်ထားပြီး အများစုမှာ တရုတ်သို့ တင်ပို့ရောင်းချမည်ဖြစ်သည်ဟု သိရသည်။

ထို ရေအားလျှပ်စစ် စီမံကိန်းများကြောင့် ကယားပြည်နယ်အတွင်းရှိ ရွာပေါင်း ၂၀၀ ကျော်မှ ဒေသခံ ၃၇၀၀၀ ခန့် ရွှေ့ပြောင်းရ မည်ဖြစ်ပြီး ယင်းတလဲ လူမျိုးများ ပျောက်ဆုံးရမည့်အရေးနှင့် ရင်ဆိုင်နေရကြောင်း၂၀၁၁ ခုနှစ်မတ်လက KDRG က ထုတ်ပြန် ခဲ့ဖူးသည်။

လက်ရှိ အချိန်အထိ ကချင် ၊ ရှမ်း၊ ကယားပြည်နယ် နှင့် မန္တလေးတိုင်း၊ စစ်ကိုင်းတိုင်းများတွင် ဆောက်လုပ်နေဆဲ ရေကာတာ စီမံကိန်း၂၁ ခုရှိကြောင်း သိရသည်။

0

သမ္မတဦးသိန်းစိန်၏ မြစ်ဆုံစီမံကိန်း ဆိုင်းငံ့ရေး ဆုံးဖြတ်ချက်ကြောင့် အံ့သြတုန်လှုပ်မိ

သမ္မတဦးသိန်းစိန်၏ မြစ်ဆုံစီမံကိန်း ဆိုင်းငံ့ရေး ဆုံးဖြတ်ချက်ကြောင့် အံ့သြတုန်လှုပ်မိသည်ဟု စီမံကိန်းတွင် အများဆုံး ရင်းနှီးမြှုပ်နှံထားသော တရုတ်အစိုးရပိုင် China Power Investment (CPI) ကုမ္ပဏီဥက္ကဋ္ဌက တနင်္လာနေ့တွင် ပြောဆိုလိုက်သည်။
သို့သော်လည်း စီမံကိန်းကို စီစဉ်ထားသည့်အတိုင်း ပြန်လည် လည်ပတ်နိုင်မည်ဟု မျှော်လင့်ကြောင်း ကုမ္ပဏီဥက္ကဋ္ဌက China Daily သတင်းစာနှင့်  ပြုလုပ်သည့် အင်တာဗျူးတွင် အကျယ်တ၀င့် ပြောလိုက်သည်။

"သတင်းမှာ ပါလာတော့ အင်မတန် အံ့သြသွားမိတယ်။  ဆိုင်းငံ့တဲ့ကိစ္စနဲ့ ပတ်သက်ပြီး မဆုံးဖြတ်ခင်တုန်းက ကျနော်တို့ကို မြန်မာနိုင်ငံဘက်က ဘာမှ ဆက်သွယ်လာတာ မရှိဘူး" ဟု CPI ကုမ္ပဏီဥက္ကဋ္ဌ Mr. Lu Qizhou က ပြောသည်။

သမ္မတဦးသိန်းစိန်သည် ယခုနှစ် ဖေဖော်ဝါရီလတွင် စစ်အစိုးရ၀န်ကြီးချုပ်ဘ၀က မြစ်ဆုံစီမံကိန်းကို သွားရောက်ကြည့်ရှု စစ်ဆေးပြီး တည်ဆောက်ရေးလုပ်ငန်းများ အရှိန်မြှင့် လုပ်ဆောင်ရန် CPI ကုမ္ပဏီကို မှာကြားခဲ့သူ ဖြစ်ခြင်းကြောင့် ယခု ဆုံးဖြတ်ချက်ကို  အလွန် အံ့သြမိခြင်းဖြစ်သည်ဟု Mr. Lu Qizhou က ပြောသည်။

"ဆိုင်းငံ့တယ်ဆိုတာက တည်ဆောက်ရေးလုပ်ငန်းတွေ ရပ်ဆိုင်းတယ် ဆိုတာကို ပြောတာ ဆိုရင်တော့ ဒါဟာ  ဥပဒေကြောင်းအရ ဆောင်ရွက်စရာတွေ ရှိလာတော့မှာပေါ့" ဟု Mr. Lu Qizhou က ပြောသည်။

CPI ကုမ္ပဏီသည် ဒေါ်လာ ဘီလီယံ ၂၀ တန် မြစ်ဆုံဆည် ၇ ခု စီမံကိန်းအတွက် ယခင်က မြန်မာစစ်အစိုးရထံသို့  ငွေကြေး မည်မျှ ပေးအပ်ခဲ့ပြီးဖြစ်ကြောင်း ရှင်းလင်းစွာ မသိရသေးပေ။

ကုမ္ပဏီက ယခင်စစ်အစိုးရခေါင်းဆောင် ဦးသန်းရွှေ၊ လက်ရှိ ဒုသမ္မတ သီဟသူရ ဦးတင်အောင်မြင့်ဦးတို့ကို  မြစ်ဆုံစီမံကိန်း အတွက် ဒေါ်လာ ၅ ဘီလီယံ အထိ ပေးအပ်ခဲ့ကြောင်း ထိုငွေထဲမှ တချို့ကို မြို့တော်သစ် နေပြည်တော် တည်ဆောက်ရေး လုပ်ငန်းတွင် အသုံးပြုခဲ့ကြောင်း၊ ကျန်ငွေများ မည်သည့်နေရာတွင် ရှိနေသည်ကို ထိုနှစ်ဦးမှတပါး မည်သူမျှ မသိရကြောင်း စသည့် အတည်မပြုနိုင်သေးသည့် သတင်းများ ထွက်ပေါ်နေသည်။

ယခု ဆိုင်းငံ့ထားသည့် မြစ်ဆုံဆည် စီမံကိန်းတွင် ရင်းနှီးမြှုပ်နှံမှု ဒေါ်လာ ၃.၆ ဘီလီယံ ရှိကြောင်း၊ ဆိုင်းငံ့မှုကြောင့် နှစ်နိုင်ငံ ထိခိုက်နစ်နာမှု ကြီးမားနိုင်ကြောင်း၊ ဆောက်လုပ်ရေးလုပ်ငန်းရှင်များက လျော်ကြေး အများအပြား တောင်းဆိုနိုင်ကြောင်း Mr. Lu Qizhou က ပြောသည်။

"စီမံကိန်း ရပ်ဆိုင်းတယ် ဆိုရင်တော့ တိုက်ရိုက်ရင်းနှီးမြှုပ်နှံမှုကဏ္ဍ၊ ဘဏ္ဍာရေးကဏ္ဍမှာ ဆုံးရှုံးမှုက မျှော်လင့်ထားတာထက် ပိုများမှာ ဖြစ်ပါတယ်" ဟု Mr. Lu Qizhou က ပြောသည်။

၂၀၀၆ ခုနှစ်တွင်   CPI ကုမ္ပဏီ၊ မြန်မာနိုင်ငံ အမှတ် ၁ လျှပ်စစ်စွမ်းအား ၀န်ကြီးဌာန၊ Asia World ကုမ္ပဏီတို့ သဘောတူညီထားချက်အရ မြစ်ဆုံဆည် စီမံကိန်းကို ၂၀၀၉ ခုနှစ်တွင် အစပြုခဲ့သည်။ စီမံကိန်းပြီးစီးလျှင် ထွက်ပေါ်လာမည့် လျှပ်စစ်ဓာတ် ၉၀ ရာနှုန်းကို တရုတ်နိုင်ငံသို့ နှစ်ပေါင်း ၅၀ တိတိ ပေးပို့ရမည် ဖြစ်သည်။ ထိုကာလ လွန်မြောက်လျှင် မြစ်ဆုံရေအားလျှပ်စစ်လုပ်ငန်းကို မြန်မာနိုင်ငံက ရရှိမည် ဖြစ်သည်။

သောကြာနေ့က သမ္မတဦးသိန်းစိန်၏ မြစ်ဆုံစီမံကိန်း ဆိုင်းငံ့ရေး ဆုံးဖြတ်ချက်ကို မြန်မာပြည်သားများက ၀မ်းမြောက်ဝမ်းသာ ကြိုဆိုလိုက်ကြသည်။ စနေနေ့တွင် ထွက်ပေါ်လာသော တရုတ်နိုင်ငံ နိုင်ငံခြားရေးဌာန၏ တုံ့ပြန်ချက်တွင် စီမံကိန်းတွင် ပါဝင်သည့် တရုတ် ကုမ္ပဏီတို့၏  ဥပဒေအရ ရပိုင်ခွင့်တို့ကို  မြန်မာအစိုးရကအကာအကွယ်ပေးရန် တောင်းဆိုထားသည်။

တရုတ်နိုင်ငံခြားရေးဌာန နှင့် CPI ကုမ္ပဏီတို့၏ တုံ့ပြန်ချက်များတွင် မြန်မာပြည်သားတို့၏ စိုးရိမ်ပူပန်မှု၊ စီမံကိန်းကြောင့် သဘာဝပတ်ဝန်းကျင် ပျက်စီးနိုင်သည့် အခြေအနေများအကြောင်း ပါဝင်ခြင်း မရှိပေ။

တနင်္လာနေ့က သမ္မတဦးသိန်းစိန်၏ အကြံပေးအရာရှိတဦးက ပြောကြားရာတွင် ၂၀၁၅ ခုနှစ်တွင် ယခုအစိုးရအဖွဲ့ သက်တမ်းကုန်ပြီး ပေါ်ပေါက်လာမည့် မြန်မာအစိုးရအဖွဲ့  လက်ထက်တွင် စီမံကိန်း နှင့် ပတ်သက်ပြီး ထပ်မံ ဆုံးဖြတ်မည်ဟု ဆိုသည်။

မြန်မာအစိုးရက စီမံကိန်းကို ဆိုင်းငံ့ခြင်းကြောင့် ဥပဒေကြောင်းအရ ဖြေရှင်းရသည့်အခါ လျော်ကြေး ပေးဆောင်ရဖွယ် ရှိကြောင်း၊ စီမံကိန်းကို ဖျက်သိမ်းမည် ဆိုပါက အစိုးရချင်း ဖြေရှင်းရမည့် ကိစ္စ ဖြစ်ကြောင်း ကမ္ဘာ့မြစ်များ ကာကွယ် ထိန်းသိမ်းရေးအဖွဲ့ (International Rivers Network - IRN) က ပြောသည်။

"ဒါမျိုးတွေက ဖြစ်နေကျပါ။ နိုင်ငံအတော်များများ အထူးသဖြင့် လက်တင်အမေရိက နိုင်ငံတွေမှာ နိုင်ငံခြားကုမ္ပဏီများနဲ့လုပ်တဲ့ ရေနံ၊ သဘာဝဓာတ်ငွေ့ တူးဖော်ရေးလုပ်ငန်း စီမံကိန်းတွေကို အဲဒီနိုင်ငံတွေက ကိုယ်တိုင် ဆောင်ရွက်တော့မယ် ဆိုရင် ဒီလိုပဲ ဖြစ်တတ်ပါတယ်" ဟု IRN မှ ဥပဒေပညာရှင် တရုတ်အမျိုးသမီး Ms. Grace Mang က ဧရာဝတီကို ပြောသည်။

တရုတ်နိုင်ငံခြားရေးဌာန နှင့် CPI ကုမ္ပဏီတို့၏ တုံ့ပြန်ချက်များတွင်  မြစ်ဆုံစီမံကိန်းနှင့် ပတ်သက်ပြီး တိုင်ပင်ညှိနှိုင်းလိုကြောင်း ဖော်ပြထားကြသည်။ မြန်မာအစိုးရဘက်က တစုံတရာ ပြန်လည်တုံ့ပြန်မှု မရှိသေးပေ။

CPI ကုမ္ပဏီဥက္ကဋ္ဌ  Mr. Lu Qizhou ၏ တနင်္လာနေ့ ပြောကြားချက်များတွင်  ဝေဖန်သူများ ထောက်ပြနေသကဲ့သို့  မြစ်ဆုံစီမံကိန်းကြောင့် သဘာပတ်ဝန်းကျင်ဆိုင်ရာ ပြဿနာများ ရှိမနေကြောင်း၊ စီမံကိန်း ပြီးစီးပါက  ကချင်ပြည်နယ် မြစ်ကြီးနားမြို့တော်ကိုပင် ရေကြီးသည့် အန္တရာယ်မှ  ပိုမိုကာကွယ်သွားနိုင်မည် ဖြစ်ကြောင်း စသည့် အချက်များလည်း ပါဝင်သည်။

"မြစ်ဆုံစီမံကိန်းမှာ ပါဝင်ဆောင်ရွက်ကြတဲ့အဖွဲ့အစည်းတွေရဲ့ ကြိုးပမ်းအားထုတ်ချက်ကြောင့် စီမံကိန်းကို စီစဉ်ထားတဲ့အတိုင်း ချောချောမွေ့မွေ့ ရှေ့ဆက် လုပ်ဆောင်သွားနိုင်မယ်လို့ ကျနော် တကယ့်ကို မျှော်လင့်ပါတယ်။ ထွက်ပေါ်လာမယ့် အကျိုးအမြတ်တွေ၊ နှစ်ဘက်လုံးအဆင်ပြေမယ့် ရလဒ်တွေဟာ တရုတ် နဲ့ မြန်မာ နှစ်နိုင်ငံလုံးအတွက် ဖြစ်လာမှာပါ" ဟု CPI ကုမ္ပဏီဥက္ကဋ္ဌက China Daily သတင်းစာကို ပြောလိုက်သည်။