ကျောက်တံတားနှင့် ဗိုလ်တထောင်ကို အမျိုးသား ရှေးဟောင်းအမွေအနှစ် ဇုန်အဖြစ် သတ်မှတ

အမျိုးသား ရှေးဟောင်းအမွေအနှစ်ဇုန်အဖြစ် ကျောက်တံတားမြို့နယ်နှင့် ဗိုလ်တထောင်မြို့နယ်တို့ကို သတ်မှတ်ကာ သမိုင်းဝင် ရှေးဟောင်းအဆောက်အအုံများကို ထိန်းသိမ်းစောင့်ရှောက်သော်လည်း အခက်အခဲများ ရှိနေကြောင်း သိရသည်။ ရှေးဟောင်း အဆောက်အအုံဘေးရှိ အဆောက်အအုံများမှာ ယင်းအဆောက်အအုံနှင့် လိုက်လျောညီထွေမရှိ ဖြစ်နေခြင်းမှာ အဓိက အခက်အခဲ ဖြစ်နေကြောင်း သိရသည်။ “ကျောက်တံတားနဲ့ ဗိုလ်တထောင်မှာ ဟိုက်ကုတ်နဲ့ ရန်ကုန်မြို့တော်ခန်းမကြီး အပါအဝင် ရှေးဟောင်းအဆောက်အအုံ ၄၁ လုံးရှိတဲ့အတွက် ဇုန်အဖြစ် သတ်မှတ်ပြီး ထိန်းသိမ်းပါတယ်။ အဆောက်အအုံ ထိန်းသိမ်းမှုအပြင် အမြင်တင့်စေဖို့အတွက် အဓိက အခက်အခဲက ဘေးမှာရှိတဲ့ အဆောက်အအုံတွေနဲ့ လိုက်လျောညီထွေဖြစ်ဖို့ လိုပါတယ်။ ဒါတွေကို လုပ်ဖို့ လိုအပ်နေပါတယ်” ဟု ရန်ကုန်မြို့တော်ဝန် ဦးလှမြင့်က ပြောသည်။ အဆိုပါ ရှေးဟောင်း အဆောက်အအုံများထဲမှ အချို့ကို ဟိုတယ်နှင့် အခြားလုပ်ငန်းများ လုပ်ကိုင်ရန် ငှားရမ်းမည်ဖြစ်သော်လည်း အဆောက်အအုံ၏ မျက်နှာစာကို မူလပုံစံ ရှေးမှုမပျက် ထားရှိရမည်ဟု သိရသည်။ ဟိုက်ကုတ်ရုံးကို မူလအဆောက်အအုံတစ်လုံးကို ငှားရမ်းခြင်း မပြုဘဲ အထပ်တစ်ထပ်သာ ငှားရမ်းမည်ဟု သိရသည်။ ရန်ကုန်တိုင်းဒေသကြီးတွင် ရှေးဟောင်းသမိုင်းဝင် အဆောက်အအုံ ၁၈၉ လုံးရှိပြီး ကျောက်တံတားမြို့နယ်နှင့် ဗိုလ်တထောင်မြို့နယ်တွင် ၄၁ လုံးရှိ၍ အမျိုးသားယဉ်ကျေးမှုဇုန်အဖြစ် သတ်မှတ်ထားကြောင်း သိရသည်။ ထိန်းသိမ်းစောင့်ရှောက်မှုများကို ယခုထက် ပိုမိုဆောင်ရွက်နိုင်ရန်အတွက် ရှေးဟောင်း သမိုင်းဝင် အဆောက်အအုံများ ထိန်းသိမ်းခြင်းဆိုင်ရာ အလုပ်ရုံဆွေးနွေးပွဲကို ရန်ကုန်မြို့၌ ယခုလအတွင်း ကျင်းပရန်ရှိသည်ဟု မြို့တော်ဝန်က ပြောကြားခဲ့ကြောင်း   သိရှိရသည်။

တိုင်းရင်းသား ငြိမ်းချမ်းရေး အပစ်အခတ် ရပ်ရုံနဲ့ မလုံလောက်

• 
  
• 
  
• 
  

မြန်မာနိုင်ငံမှာ ရင်ဆိုင်နေရဆဲ တိုင်းရင်းသားတွေနဲ့ လက်နက်ကိုင် ပဋိပက္ခတွေဟာ အပစ်အခတ် ရပ်စဲရုံနဲ့ မလုံလောက်သေးဘူးလို့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် က ပြောလိုက်ပါတယ်။ တိုင်းရင်းသားအရေး ဖြေရှင်းရာမှာ တာဝန်ယူ ဆောင်ရွက်မှုတွေ ရှိရမှာ ဖြစ်သလို၊ လက်နက်ကိုင် နှိမ်နင်း မနေဘဲ နိုင်ငံရေးအရ ဖြေရှင်းရလိမ့်မယ်လို့လည်း အမေရိကန် စံတော်ချိန် အင်္ဂါနေ့ မနက်ပိုင်းမှာ ကမ္ဘာ အရပ်ရပ်က လွတ်မြောက်ရေး လှုပ်ရှားမှုတွေနဲ့ပတ်သက်လို့ တိုက်ရိုက်ဆွေးနွေး စကားပြောဆိုရာ မှာ ဒေါ်အောင်ဆန်းစုကြည် ကပြောလိုက်တာပါ။
အမေရိကန်သမ္မတဟောင်း George W.Bush တည်ထောင်တဲ့ Bush Center က ကမကထလုပ် ကျင်းပတဲ့ ကမ္ဘာ အရပ်ရပ်က လွတ်မြောက်ရေး လှုပ်ရှားသူတွေရဲ့ ရဲစွမ်းသတ္တိကို ဂုဏ်ပြုတဲ့ အခမ်းအနား အတွင်း ဒေါ်အောင်ဆန်းစုကြည်က အင်တာနက်ကတဆင့် တိုက်ရိုက် ဗွီဒီယို မိန့်ခွန်း ပြောဆိုရာ မှာ မြန်မာနိုင်ငံရဲ့ နိုင်ငံရေး အပြောင်းအလဲတွေနဲ့ မေးခွန်းထုတ်ခဲ့တဲ့အပေါ် မပြေလည်နိုင်သေးပဲ ဖြစ်နေရတဲ့ တိုင်းရင်းသား အရေးကိစ္စကို အလေးထား ဖြေကြားသွားတာလည်း ဖြစ်ပါတယ်။ မြန်မာနိုင်ငံမှာ ပြီးခဲ့တဲ့ နှစ်က စလို့ အစိုးရသစ် တရပ်တက်လာပြီးနောက် လက်နက်ကိုင် တိုင်းရင်းသား အဖွဲ့အစည်းတွေနဲ့ ငြိမ်းချမ်းရေးရဖို့ ကြိုးပမ်းသွားမယ်ဆိုပြီး မြန်မာအစိုးရက ကိုယ်စားလှယ်အဖွဲ့ ဖွဲ့စည်းပြီး ဆွေးနွေးမှုတွေ လုပ်နေပေမဲ့ အပြီးသတ် ပြေလည်မှုတွေ မရနိုင်ဘဲ ဖြစ်နေရတာပါ။ မြန်မာနိုင်ငံ မြောက်ပိုင်းမှာ အဓိက အခြေစိုက် လှုပ်ရှားနေကြတဲ့ ကချင်လွတ်မြောက်ရေးအဖွဲ့ KIO နဲ့ဆိုရင်လည်း တိုက်ပွဲတွေဟာ အခုအချိန်အထိ ဆက်လက် ဖြစ်ပွားနေဆဲ ဖြစ်ပါတယ်။

လှိုင်သာယာ အထည်ချုပ်စက်ရုံ ၂ ရုံ အလုပ်သမား ရပိုင်ခွင့်အတွက် ဆန္ဒပြ

ရန်ကုန်တိုင်း လှိုင်သာယာစက်မှုဇုန်က စပယ်ပွင့်နဲ့ ပုလဲ ဆိုတဲ့ အထည်ချုပ်စက်ရုံ ၂ ရုံက အလုပ်သမားတွေဟာ အခြေခံလုပ်ခလစာ တိုးပေးဖို့နဲ့ အခြားအလုပ်သမား အခွင့်အရေးရဖို့ ဒီနေ့ ဆန္ဒပြနေကြပါတယ်။

ရန်ကုန်တိုင်း လှိုင်သာယာစက်မှုဇုန်က စပယ်ပွင့် အထည်ချုပ်စက်ရုံ အလုပ်သမားများ အခြေခံလုပ်ခလစာ တိုးပေးရေးနှင့် အလုပ်သမား အခွင့်အရေးအတွက် ၂၀၁၂ ခုနှစ် မေလ ၁၅ ရက်က ဆန္ဒပြနေကြစဉ်။

စပယ်ပွင့်စက်ရုံ အလုပ်သမားတွေကို လက်ရှိ နေ့စားလုပ်ခပဲ ပေးနေလို့ တစ်လကို သုံးသောင်းနှုန်းနဲ့ လစားအဖြစ် သတ်မှတ်ပေးဖို့ တောင်းဆိုနေကြပေမယ့် မပြေလည်သေးဘူးလို့ အလုပ်သမားတစ်ဦး ဖြစ်တဲ့ မခိုင်မြသွယ်က သတင်းဌာနများ ကိုအခုလို ပြောပါတယ်။
" ဒေးကြေးက သမီးတို့အတွက် ၅၈၀ ပဲပေးထားတယ်။ အိုတီကြေးက ၁၄၀ ပေးတယ်။ အခု ဧပြီလထုတ်တာလေ သုံးသောင်းကျော်ပဲရတယ်။ သုံးသောင်းကျော်ပဲရတော့ အဆောင်နေတဲ့သူတွေဆိုရင် ပိုပြီးတော့ မခံနိုင်ဘူး။ အခုက အထူးထောက်ပံ့ကြေး သုံးသောင်းလည်းလိုချင်တယ်။ ဘောနပ် သဘောပေါ့နော်။ အဲတာ ငါးထောင်တောင်းတယ်။ နှစ်ထောင်ပဲပေးတယ်။ အဲဒီ သုံးသောင်းကလည်း တစ်သောင်းပဲပေးမယ်တဲ့။ အလုပ်သမား ညှိနှိုင်းရေးမှူး ဦးဝင်းတင်ကလေ သူလုပ်ပေးတာကို လက်သင့်မခံဘူးဆိုလို့ရှိရင်တဲ့ မလုပ်ပေးတော့ဘူးတဲ့"
ပုလဲ အထည်ချုပ်စက်ရုံမှာလည်း ရက်မှန်ကြေး ကျပ် သုံးသောင်း တောင်းတာကို အလုပ်ရှင်ဘက်က သဘောမတူနိုင်သေးတဲ့အတွက် ညှိနှိုင်းနေဆဲ ဖြစ်တယ်လို့ သိရပါတယ်။
ဒါ့အပြင် ပြီးခဲ့တဲ့အပတ်က ဆန္ဒပြခဲ့တဲ့ Hi Mo ဆံပင်တုစက်ရုံမှာလည်း ဆန္ဒပြစဉ်က သက်ဆိုင်ရာ အာဏာပိုင်၊ စက်ရုံပိုင်ရှင်နဲ့ အလုပ်သမားတွေ သဘောတူလိုက်တဲ့ အချက်တွေကို တရားဝင် မလိုက်လျောသေးတဲ့အတွက် ဒီနေ့ ထပ်မံဆန္ဒပြခဲ့ကြပါတယ်။
အလုပ်သမားတွေကို စက်ရုံဝင်းထဲကနေ အပြင်ပေးမထွက်တဲ့အတွက် စက်ရုံဝင်းထဲမှာပဲ အလုပ်မလုပ်ပဲ ဆန္ဒပြနေကြတာပါ။ ဒီကိစ္စနဲ့ပတ်သက်လို့ Hi Mo စက်ရုံ အလုပ်သမားတစ်ဦးဖြစ်တဲ့ မယမင်းလွင် က သတင်းဌာနများကိုအခုလို ပြောပါတယ်။
" ၁၀ ရက်နေ့တုန်းက ချုပ်ထားတဲ့ စာချုပ်ကို လူကြီးတွေက တရားဝင်သတ်မှတ် မပေးဘူး ဖြစ်နေတယ်။ လစာတိုးတယ်ဆိုတဲ့ အကြောင်း၊ အိုတီကြေး အခုတစ်လကြေးကို ဘယ်လောက်ရတယ်ဆိုတဲ့ အကြောင်း တရားဝင် ခလေးတွေသိအောင် ကြေညာပေးပါလို့ ပြောထားတယ်။ ဒါပေမဲ့ သူတို့တွေက ဘယ်လိုမှ တုံ့ပြန်မှု မရှိဘူး။ ဒီနေ့မနက် ၈ နာရီက စတင်လိုက်တယ်။ ၁ နာရီခွဲအထိ အချိန်ပေးမယ်တဲ့။ နောက်ပိုင်းကို ကျွန်မတို့ တာဝန်မယူနိုင်ဘူး။ ခလေးတွေ အရမ်းဆူနေပြီလို့ ပြောတဲ့အခါမှာ သူတို့တွေက လုံးဝ ဘယ်လို အကြောင်းပြချက်မျိုးမှ မပေးဘူး"
တောင်းဆိုချက် မရမချင်း အလုပ်သမားတွေက ဆက်လက်ဆန္ဒပြ တောင်းဆိုကြမယ်လို့ သိရပါတယ်။

လူ့အခွင့်အရေး ချိုးဖောက်မှုများကို ရက်ပေါင်း ၆၀ အတွင်း မရပ်တန့်ပါက ဗိုလ်ချုပ်မင်းအောင်လှိုင်ကို တရားစွဲမှာ ဖြစ်ကြောင်း ဥရောပရောက် မြန်မာများက ကြေငြာချက် ထုတ်ပြန်

ကချင်တိုင်းရင်းသားများနဲ့ ချုပ်ဆိုထားတဲ့ ငြိမ်းချမ်းရေး သဘောတူညီချက်ကို ဖောက်ဖျက်ကာ ကချင်ပြည်နယ်တွင် လူ့အခွင့်အရေး ချိုးဖောက်မှုများကို ဆက်တိုက် ကျူးလွန်နေတဲ့ မြန်မာစစ်တပ် ကာကွယ်ရေး ဦးစီးချုပ် ဗိုလ်ချုပ် မင်းအောင်လှိုင်အနေနဲ့ ရက်ပေါင်း ၆၀ အတွင်း ထို ကျူးလွန်မှုများကို မရပ်တန့်ပါက ဥရောပနိုင်ငံရှိ တရားရုံးများတွင် တရားစွဲဆိုသွားမှာဖြစ်ကြောင်း ဥရောပရောက် မြန်မာများနဲ့ ဖွဲ့စည်းထားတဲ့ ဥရောပရောက် မြန်မာများ ညီလာခံ (Forum of Burmese in Europe) အဖွဲ့က ၂၀၁၂ မေလ ၁၅ ရက်နေ့တွင် ကြေငြာချက် ထုတ်ပြန်လိုက်ပါတယ်။ အခုအချိန်ဟာ ဥရောပသမဂ္ဂနိုင်ငံများရဲ့ မြန်မာအစိုးရအပေါ် ပိတ်ဆို့ အရေးယူမှုများ ဆိုင်းငံ့ထားတဲ့အချိန် ဖြစ်နေပြီး မြန်မာအစိုးရနဲ့ ဥရောပနိုင်ငံများရဲ့ သံတမန်ဆက်ဆံရေး ကောင်းမွန်နေတဲ့အချိန် ဖြစ်နေတဲ့အတွက် ထိုသို့ တရားစွဲရန် ကြိုးစားမှုဟာ ဖြစ်နိုင်ခြေ ရှိပါ့မလားလို့ ယနေ့မြန်မာက Forum of Burmese in Europe အဖွဲ့ တာဝန်ရှိသူ ဦးနွယ်အောင်ကို ဆက်သွယ် မေးမြန်းခဲ့ရာ “ကျွန်တော်တို့ ဥရောပနိုင်ငံတွေဟာ များသောအားဖြင့် တရားဥပဒေ စိုးမိုးတဲ့နိုင်ငံတွေ ဖြစ်တယ်။ ဥရောပသမဂ္ဂက ပိတ်ဆို့မှုတွေကို ခေတ္တ ရပ်ဆိုင်းထားတယ်၊ မြန်မာနိုင်ငံက လူပုဂ္ဂိုလ်တွေကို ဗီဇာပိတ်ဆို့မှုက ရပ်ဆိုင်းထားတယ် ဆိုပေမယ်လည်း ဥရောပနိုင်ငံတွေရဲ့ တရားဥပဒေက ပြောင်းလဲမှု မရှိဘူး။ မြန်မာနိုင်ငံမှာ ပြစ်မှု ကျူးလွန်တာ ရှိခဲ့လို့ရှိရင် ဒီ ပုဂ္ဂိုလ်တွေဟာ ဥရောပနိုင်ငံတွေမှာ တရားဥပဒေအရ ရင်ဆိုင်ရမှာကတော့ ရှိနေတာပဲ။ ဒီပုဂ္ဂိုလ်တွေဟာ မြန်မာနိုင်ငံကနေ ဥရောပကို မရောက်တောင်မှ ဥရောပတရားရုံးတွေမှာ ပြစ်မှုရှိတဲ့ပုဂ္ဂိုလ်တွေကို တရားစွဲဖို့ ဆိုတာက ဥရောပမှာရှိတဲ့ မြန်မာတွေက တောင်းဆိုရင် တရားစွဲဆိုနိုင်တဲ့ ဥပဒေတွေ ရှိပါတယ်။ ဥပမာအားဖြင့် - ၁၉၉၈ ခုနှစ်လောက်က ချီလီ စစ်အာဏာရှင် ပီနိုချေးကို စပိန်မှာ တရားသူကြီးက ဖမ်းမိန့်နဲ့ တရားစွဲတဲ့တာမျိုး ရှိခဲ့ဘူးပါတယ်။ ဘယ်လ်ဂျီယမ် တရားဥပဒေအရလည်း မြန်မာနိုင်ငံမှာ တိုတယ်လ်ရေနံကုမ္ပဏီရဲ့ လူ့အခွင့်အရေး ချိုးဖောက်မှုတွေနဲ့ ပတ်သက်ပြီး တရားရုံးကနေ တရားစွဲဆိုတာလည်း လွန်ခဲ့တဲ့ နှစ်နှစ်၊ သုံးနှစ်က ရှိခဲ့ဘူးပါတယ်။ ဒါ့ကြောင့် မြန်မာနိုင်ငံက တိုင်းရင်းသားဒေသတွေမှာ လူ့အခွင့်အရေး ချိုးဖောက်နေတဲ့ မြန်မာစစ်တပ်ခေါင်းဆောင် ဗိုလ်ချုပ်မင်းအောင်လှိုင်တို့ကို ဥရောပတရားရုံးတွေမှာ တရားစွဲလို့ရတယ်ဆိုတာကို သတိပေးတဲ့အနေနဲ့ ကျွန်တော်တို့က ထုတ်ပြန်ခဲ့ခြင်း ဖြစ်ပါတယ် ခင်ဗျ“ လို့ ရှင်းပြပါတယ်။ အခုအချိန်ဟာ မြန်မာအစိုးရဟာ ပြုပြင် ပြောင်းလဲမှုတွေ ပြုလုပ်နေပြီး မြန်မာသမ္မတ ဦးသိန်းစိန်ကိုလည်း ပြုပြင် ပြောင်းလဲရေးသမားတဦးလို့ အနောက်နိုင်ငံတွေက ရှုမြင်နေလေတော့ အခုလို တရားတဘောင်ကိစ္စတွေ လုပ်ကိုင်နိုင်မယ့် အခြေအနေတွေက ဖြစ်နိုင်ပါ့မလားလို့ မေးတဲ့အခါမှာတော့ “မင်းအောင်လှိုင် ကြီးမှူးပြီး လုပ်ကိုင်နေတဲ့ တိုင်းရင်းသားဒေသတွေမှာ စစ်တပ်တွေ ချတယ်၊ တိုက်ခိုက်မှုတွေ လုပ်နေတာတွေကို လုပ်နေတာတွေဟာ ဥပဒေကို ချိုးဖောက်ပြီး လုပ်နေတာ ဖြစ်တယ်။ ဒီတော့ စစ်တပ်ဦးစီးချုပ် မင်းအောင်လှိုင်မှာတင် တာဝန်ရှိတာ မဟုတ်ဘူး။ မြန်မာပြည်ကို အုပ်ချုပ်နေတဲ့ သမ္မတ ဦးသိန်းစိန်မှာလည်း တာဝန်ရှိတယ်။ သူ့အနေနဲ့ တားဖို့ လုပ်ခဲ့ပေမယ့် မအောင်မြင်ဘူးဆိုတာ ကျွန်တော်တို့ ယနေ့အထိ တွေ့နေရတယ်။ ဒါ့ကြောင့်မို့ မြန်မာနိုင်ငံမှာ ဒီ အဖြစ်အပျက်တွေ ရပ်ဆိုင်းအောင် ကျွန်တော်တို့က ဒီ ကြေငြာချက် ထုတ်တယ်။ ထုတ်ခြင်းအားဖြင့်လည်း ကျူးလွန်မှု၊ ကျူးကျော်မှုတွေ မဖြစ်အောင် တားဆီးတဲ့သဘောပဲ။ ဒါကြောင့်မို့ သမ္မတ ဦးသိန်းစိန်အစိုးရအနေနဲ့ သူ့လက်အောက်က စစ်ဦးစီးချုပ်ကို အမိန့်ပေးနိုင်ရမယ်၊ ဒါမှသာလျှင် သမ္မတသိန်းစိန် အစိုးရကို မြန်မာနိုင်ငံပြည်သူတွေလည်းပဲ ယုံကြည်လာမယ်၊ နိုင်ငံတကာကလည်းပဲ ယုံကြည်လာမယ်ဆိုတဲ့ ရည်ရွယ်ချက်နဲ့ ကျွန်တော်တို့ကနေပြီးတော့ ထုတ်ပြန်ခြင်း ဖြစ်တဲ့အတွက်ကြောင့်မို့လို့ (ကျွန်တော်ထင်ပါတယ်။) မြန်မာနိုင်ငံအတွက် ရှေ့ရေးမှာ ဒီလို တရားဥပဒေ ချိုးဖောက်မှုတွေ နည်းသွားလိမ်မယ်လို့ မျှော်လင့်ပါတယ် ခင်ဗျ“ လို့ ပြန်လည် ဖြေကြားသွားပါတယ်။ မြန်မာနိုင်ငံမြောက်ပိုင်း ကချင်ပြည်နယ်တွင်း တိုက်ပွဲတွေဟာ တနေ့တခြား ဆိုးရွားလာနေပြီး ဘယ်နေ့မှာ ရပ်ဆိုင်းမယ်ဆိုတာ မသိကြရသေးလေတော့ ဥရောပရောက် မြန်မာများကလည်း ဥပဒေကြောင်းအရ လုပ်ကိုင်နိုင်အောင် ကြိုးစားကြမယ်ဆိုရင် နောက်ကြောင်းပြန် မလှည့်ပါဘူးလို့ ဆိုနေတဲ့ မြန်မာနိုင်ငံရဲ့ ပြုပြင် ပြောင်းလဲရေးလမ်းစဉ်ရဲ့ ရှေ့ရေးကို ခန့်မှန်းဖို့က ခက်ခဲနေပါတယ်။ လက်နက်ကိုင် တိုက်ပွဲတွေ မရပ်ဘူးဆိုရင် အခု ငြိမ်းချမ်းရေး ဆွေးနွေးနေတဲ့ တိုင်းရင်းသားလက်နက်ကိုင်တွေကလည်း ငြိမ်းချမ်းရေးအဆင့် လျှော့ချနိုင်တယ်ဆိုတဲ့ သတင်းတွေ လွန်ခဲ့တဲ့ ရက်အတွင်းက ထွက်ခဲ့ပါတယ်။ ဒါ့ကြောင့် အသားမကျသေးတဲ့ ပြုပြင် ပြောင်းလဲရေး လုပ်ငန်းစဉ်တွေ လျှော့သွားမှာ၊ ပြည်သူများရဲ့ဘ၀အတွက် စိုးရိမ်ပူပန်မှုတွေ များပြားလာနိုင်မှာကို လေ့လာသူများက စိုးရိမ်လျက် ရှိနေကြပါတယ်။

မြောက်ကိုရီးယား လက်နက်များကို ၀ယ်ယူတော့မှာ မဟုတ်ကြောင်း မြန်မာသမ္မတက တောင်ကိုရီးယား သမ္မတကို ပြောကြား

မြန်မာနိုင်ငံအနေနဲ့ နှစ် ၂၀ ကြာ မြောက်ကိုရီးယားလက်နက်များကို ၀ယ်ယူခဲ့ကြောင်း၊ သို့သော်လည်း နောက်ထပ် ၀ယ်ယူတော့မှာ မဟုတ်ကြောင်း မြန်မာသမ္မတ ဦးသိန်းစိန်က တောင်ကိုရီးယား သမ္မတ အီမြောင်ဘတ် (Lee Myung-bak) နဲ့ ၂၀၁၂ မေ ၁၄ ရက်နေ့က ကြပ်ပြေးနေပြည်တော်တွင် တွေ့ဆုံစဉ် ပြောကြားလိုက်ကြောင်း ရန်ကုန်ကလာတဲ့ အေပီသတင်း အပါအ၀င် မြန်မာဆိုင်ရာသတင်းများတွင် ဖော်ပြထားပါတယ်။ တောင်ကိုရီးယား သမ္မတ အီမြောင်ဘတ် (Lee Myung-bak) ဟာ ၂၉ နှစ်အတွင်း ပထမဆုံးအကြိမ်အဖြစ် မြန်မာနိုင်ငံကို အလည်အပတ် ရောက်ရှိလာတဲ့ တောင်ကိုရီးယား သမ္မတ ဖြစ်ပါတယ်။ လွန်ခဲ့တဲ့ ၂၉ နှစ် (၁၉၈၃၊ အောက်တိုဘာ ၉ ရက်နေ့) က တောင်ကိုရီးယား သမ္မတ ချန်ဒူးဝှမ်နဲ့အဖွဲ့ ရန်ကုန် အာဖာနည်ကုန်းတွင် ဗိုလ်ချုပ်အောင်ဆန်းနဲ့တကွ အာဇာနည်ခေါင်းဆောင်များအား အလေးပြုရန် စီစဉ်နေစဉ် မြောက်ကိုရီးယားသူလျှိုများရဲ့ ဗုံးဖောက်ခွဲမှုကြောင့် လူပေါင်း ၂၁ ဦး သေဆုံးခဲ့ရပြီး ၄၆ ဦး ဒဏ်ရာ ရရှိခဲ့ပါတယ်။ သေဆုံးသူများထဲတွင် တောင်ကိုရီးယား အစိုးရ အဆင့်မြင့်ပုဂ္ဂိုလ် ၁၄ ဦးနဲ့ သတင်းသမား ၃ ဦး ပါဝင်ခဲ့ပါတယ်။ မြန်မာသမ္မတ ဦးသိန်းစိန်နဲ့ တောင်ကိုရီးယားသမ္မတ အီမြောင်ဘတ်တို့ဟာ ၂၀၀၉ ခုနှစ်က တောင်ကိုရီးယားနိုင်ငံ၊ ဂျေဂျူးကျွန်းတွင် ကျင်းပခဲ့တဲ့ အာစီယံ - တောင်ကိုရီးယား ဆက်ဆံရေး နှစ် ၂၀ ပြည့် အခမ်းအနားတွင် တွေ့ဆုံခဲ့ပြီး အခုတခေါက် ကြပ်ပြေးနေပြည်တော်တွင် ထပ်မံ ဆုံတွေ့ခဲ့ကြခြင်း ဖြစ်ပါတယ်။ မြန်မာသမ္မတနဲ့ တောင်ကိုရီးယားသမ္မတတို့ရဲ့ ဆွေးနွေးပွဲတွင် နည်းပညာ ကူညီရေး၊ လူသားအရင်းအမြစ် ဖွံ့ဖြိုး တိုးတက်ရေးနဲ့ စီးပွားရေးဆိုင်ရာကိစ္စရပ်များ ဆွေးနွေးခဲ့ကြပြီး မြောက်ကိုရီးယား အရေးကိစ္စကိုပါ ထည့်သွင်း ဆွေးနွေးခဲ့ကြခြင်း ဖြစ်ပါတယ်။ တောင်ကိုရီးယား သမ္မတ က ဦးသိန်းစိန်အား မြောက်ကိုရီးယားထံမှ လက်နက် ၀ယ်ယူခြင်းဟာ ကုလ လုံခြုံရေးကောင်စီ ဆုံးဖြတ်ချက်ကို ချိုးဖောက်ခြင်း ဖြစ်ကြောင်း၊ လက်နက် မ၀ယ်ယူရန် ပြောဆိုခြင်းဟာ တရားဝင် တောင်းဆိုမှု ဖြစ်ကြောင်း အသိပေးခဲ့ပါတယ်။ ထိုအခါ မြန်မာသမ္မတ ဦးသိန်းစိန်က ကုလသမဂ္ဂ တားမြစ်ချက်တွေကို လေးစားလိုက်နာတဲ့အနေနဲ့ မြောက်ကိုရီးယားထံမှ လက်နက် ၀ယ်ယူမှု ပြုလုပ်မှာ မဟုတ်ကြောင်း ပြောကြားခဲ့တယ်လို့ မြန်မာပြည်က လာတဲ့ အေပီသတင်းတွင် ရေးသားထားပါတယ်။ မြန်မာနိုင်ငံဟာ တောင်ကိုရီးယား အဆင့်မြင့် အစိုးရ တာဝန်ရှိသူများ သေဆုံးခဲ့ရတဲ့ ၁၉၈၃ အာဇာနည်ကုန်း ဗုံးဖောက်ခွဲမှု နောက်ပိုင်း မြောက်ကိုရီးယားနဲ့ တရားဝင် သံတမန် ဆက်ဆံမှု ဖျက်သိမ်းခဲ့ပြီး ၂၀၀၇ ခုနှစ်တွင် တရားဝင် ပြန်လည် စတင်ခဲ့ပါတယ်။ တရားဝင် ဆက်သွယ်မှု မပြုသော်လည်း မြောက်ကိုရီးယားရဲ့ စစ်လက်နက်များကို မြန်မာစစ်အာဏာရှင်များ ကာလကြာမြင့်စွာ ၀ယ်ယူ အသုံးပြုခဲ့ကြပြီး အခုတခါကျမှ တောင်ကိုရီးယားခေါင်းဆောင်ကို လူသိရှင်ကြား ပြောကြားခဲ့ခြင်း ဖြစ်ပါတယ်။ အီမြောင်ဘတ်ဟာ ရန်ကုန်မြို့တွင် ဒေါ်အောင်ဆန်းစုကြည်နဲ့ ၄၅ မိနစ်ကြာ ဒီမိုကရေစီ ပြုပြင် ပြောင်းလဲရေးဆိုင်ရာများ တွေ့ဆုံ ဆွေးနွေးခဲ့ကြကြောင်း သိရပါတယ်။ အမေရိကန် ပြည်ထောင်စု အပါအ၀င် အနောက်နိုင်ငံများအနေနဲ့ မြန်မာပြည် ဒီမိုကရေစီ ပြောင်းလဲရေးဆိုင်ရာများ အကူအညီ ပေးလျက်ရှိပြီး မြန်မာသမ္မတ ဦးသိန်းစိန်ကို သူကောင်းပြုနေကြပါတယ်။ သို့သော်လည်း မြန်မာစစ်အစိုးရနဲ့ မြောက်ကိုရီးယားနဲ့ ထဲထဲဝင်ဝင် ဆက်ဆံမှု ရှိခဲ့မှုအပေါ်မှာတော့ အတော့်ကို စိုးရိမ်မကင်း ဖြစ်နေကြဆဲဆိုတဲ့အချက်ကိုတော့ မြောက်ကိုရီးယားဆီက လက်နက် မ၀ယ်ပါဘူးဆိုတဲ့ ဂတိကို မြန်မာသမ္မတ ဦးသိန်းစိန်ဆီကနေ တောင်ကိုရီးယားသမ္မတ မရအရ ယူခဲ့ခြင်းက သက်သေခံနေပါတယ်။

ရန်ကုန်မြို့တော် စည်ပင်မှ တည်ဆောက်ရန် လျာထားသော ခုံးကျော်တံတားများ အနက်မှ တာမွေတွင် တည်ဆောက်မည့် အပိုင်းကို တည်ဆောက်တော့မည် မဟုတ်ကြောင်း

။ ရန်ကုန်မြို့တော် စည်ပင်မှ တည်ဆောက်ရန် လျာထားသော ခုံးကျော်တံတားများ အနက်မှ တာမွေတွင် တည်ဆောက်မည့် အပိုင်းကို တည်ဆောက်တော့မည် မဟုတ်ကြောင်း မြို့တော်စည်ပင် သတင်းစာ ရှင်းလင်းပွဲတွင် ဌာနအတွင်းရေးမှုး ဦးကျော်စိုး က ပြောသည်။

“လက်ရှိ ကောက်ယူထားတဲ့ စစ်တမ်းတွေအရ အခုလို ဆုံးဖြတ်တာပါ။ နောက်ပိုင်းတော့ လိုအပ်ချက်ရှိလာရင်
ဆောက်ပါမယ်။ ခုကတော့ လျာထားမှုကနေ ခေတ္တ ပယ်ထားပါတယ်။ ဒီစစ်တမ်းကလည်း ကျနော်တို့ အနည်းဆုံး တပါတ်အကြာ ကောက်ယူခဲ့တာပါ။ အနီးအနား မြို့နယ်ပေါင်း ၆ မြို့နယ်ရဲ့ ကားသွားလာမှုကို ကောက်ယူခဲ့တာ
ဖြစ်တယ်။ စစ်တမ်းအရ အဲဒီနေရာမှာ လမ်းချဲ့ပြီး မီးပွိုင့်စနစ် ထပ်တိုး ဆောင်ရွက်တာနဲ့တင် ယာဉ်ကြောပိတ်ဆို့မှု
ပြေလည်နိုင်ပါတယ်။ ဒီအပိုင်းတော့ ဆောင်ရွက်ဖို့လုပ် ဆောင်သွားပါမယ်။ ဆောက်ရင် ပိုက်ဆံကုန်တာပဲ ရှိမယ်။ ဒါကြောင့်ပါ” ဟု ပြောသည်။

ဆုံးဖြတ်ချက်အရ လှည်းတန်း၊ ရွှေဂုံတိုင်နှင့် အင်းစိန်မြို့နယ်များတွင်သာ တည်ဆောက်သွားမှာဖြစ်ပြီး စည်ပင် အနေဖြင့် ပုဂ္ဂလိက လုပ်ငန်းရှင်များထံမှ ချေးငွေရယူကာ တည်ဆောက်သွားမှာဖြစ်ကြောင်း သိရသည်။

ရန်ကုန်မြို့ ရွှေဂုံတိုင်မီးပွိုင့် ကုန်းကျော်တံတား တည်ဆောက်ရန်အတွက် မြေစမ်းမှုပြုလုပ်နေသည့် အလုပ်သမားများကို မတ်လ ၂၁ ရက်နေ့က တွေ့ရစဉ်။ 

“အခုက စည်ပင်ကနေ ဆောင်ရွက်ရမှာဆိုတော့ ငွေကြေးကုန်ကျမှု အပိုင်းအရ လုပ်ငန်းရှင်တွေဆီက ချေးပြီး
ဆောင်ရွက်သွားမှာပါ။ ဒီတော့ စနစ်တကျနဲ့ အကုန်အကျ နည်းအောင် ဆောင်ရွက်သွားမယ်။ ခုက တာမွေပိုင်းက မလိုအပ်လို့ မတည်ဆောက်တာပါ” ဟု ပြောသည်။

တည်ဆောက်ရေးပိုင်းတွင် ရေရှည်ခံ ဆောင်ရွက်နိုင်ရေးနှင့် ပြည်သူများအတွက် အမှန်တကယ် အကျိုးရှိ/မရှိကို လုပ်ဆောင်ရာတွင် စစ်တမ်းကောက်ယူပြီးမှ ဆောင်ရွက်သည့် အလေ့အထဖြင့် မြို့တော်စည်ပင် အနေဖြင့် စီစဉ်ဆောင်ရွက် လျက်ရှိကြောင်း မြို့တော်ဝန် ဦးလှမြင့် ကလည်း ထပ်မံဖြည့်စွက်ပြောသည်။

“အရင်ကတော့ စစ်တမ်းကောက်ယူပြီး လုပ်ဆောင်မှုမျိုး မရှိခဲ့ဘူး။ ခုလက်ရှိမှာတော့ ဘာလုပ်လုပ် မြို့တော်စည်ပင် အနေနဲ့ စစ်တမ်းကောက်ပြီးမှ ပြည်သူတွေအတွက် လိုအပ်မှု ရှိ/မရှိကို လုပ်ဆောင်ပေးတယ်။ ဒါမှလည်း ပြည်သူတွေ အနေနဲ့ ဘာကြောင့် လုပ်ဆောင်ရသလဲ ဆိုတာကို သေချာနားလည်စေမယ်”ဟု မြို့တော်ဝန်က ပြောသည်။

စစ်တမ်းကောက်ယူမှုအပိုင်းတွင် ပုဂ္ဂလိက လုပ်ငန်းတခုဖြစ်သော Vertect က ကူညီဆောင်ရွက်ပေးခဲ့ပြီး ခုံးကျော် တံတား တည်ဆောက်ရေးအတွက် လက်ရှိ ပူးပေါင်းဆောင်ရွက်သော ကုမ္ပဏီများနှင့် ချေးငွေယူသော ကုမ္ပဏီများ စာရင်းကိုမှု ထုတ်ဖော် ပြောဆိုခဲ့ခြင်း မရှိပေ။

“ဒါက ခုချိန်မှာ ပြောဖို့ စောသေးတယ်။ သေချာစိစစ်ဦးမှာပါ။ သူတို့တွေဘက်က ဘယ်လောက် လုပ်ပေးနိုင်မလဲ။ အဓိက ပြည်သူတွေအပေါ် ဘယ်လောက် စေတနာထား လုပ်ဆောင်နေလဲဆိုတာကို ကြည့်ပြီးမှ လုပ်မှာမို့ပါ” ဟု မြို့တော်ဝန်က ဆိုသည်။

ဂျပန်နိုင်ငံ ဂျကာကုမ္ပဏီမှ မိုးပျံတံတား နှစ်စင်း ဆောင်ရွက်ပေးရန် ကမ်းလှမ်းထားသော်လည်း လောလောဆယ်
ဆောက်လုပ်ဦးမှာ မဟုတ်ကြောင်း ပြောဆိုသွားသည်။

လျာထားသော တံတားသုံးစင်းအနက် လှည်းတန်း ခုံးကျော်တံတားမှာမူ စတင် ဆောက်လုပ်နေပြီး တနှစ်နီးပါး ကြာမြင့် မည်ဟု သတ်မှတ်ထားသည်။ ကျန် တံတားနှစ်စင်းမှာမှု တိုင်းတာမှုများသာ ဆောင်ရွက်ရသေးသည့် အတွက် ပြီးဆုံး မည့်ကာလ မခန့်မှန်းနိုင်သေးကြောင်း မြို့တော်စည်ပင်က ဆိုသည်။

သို့ရာတွင် လျာထားသော တံတားများကို ၂၀၁၅ မတိုင်မီ အပြီးဆောင်ရွက်ရန် သမ္မတကြီးက ညွှန်ကြားထားသည်။

ခေတ်နောက်ပြန်ဆွဲသည့် အမြင်ရှိသူများကို ချန်ထားခဲ့မည်ဖြစ်ကြောင်း သမ္မတ ဦးသိန်းစိန်က ပြောဆိုလိုက်သည်။

မြန်မာပြည်သူများသည် ယခင်အစိုးရများ၏ လုပ်နည်းလုပ်ဟန်များကို လက်မခံဘဲ အပြောင်းအလဲများ အထူးလိုလားသည်ကို ကြားဖြတ်ရွေးကောက်ပွဲတွင် သက်သေပြခဲ့ပြီး အစိုးရသစ်အနေနှင့်  ပြုပြင်ပြောင်းလဲမှုများ လုပ်ဆောင်ရာတွင် ရှေးရိုးစွဲ၊ ခေတ်နောက်ပြန်ဆွဲသည့် အမြင်ရှိသူများကို ချန်ထားခဲ့မည်ဖြစ်ကြောင်း
သမ္မတ ဦးသိန်းစိန်က ပြောဆိုလိုက်သည်။

မေလ ၁၁ ရက်နေ့က ကျင်းပသော နိုင်ငံတော်ဖွံ့ဖြိုးတိုးတက်ရေး၊ ဒေသဖွံ့ဖြိုးတိုးတက်ရေး လုပ်ငန်းညှိနှိုင်းအစည်းအဝေးတွင် သမ္မတ ဦးသိန်းစိန် ပြောကြားနေစဉ် (ဓာတ်ပုံ - သမ္မတရုံး ဝက်ဘ်ဆိုဒ်)

နေပြည်တော်တွင် မေလ ၁၁ ရက်နေ့က ကျင်းပသော နိုင်ငံတော်ဖွံ့ဖြိုးတိုးတက်ရေး၊ ဒေသဖွံ့ဖြိုးတိုးတက်ရေးများကို ပိုမို ထိရောက်စွာ ပြုပြင်ပြောင်းလဲ ကြိုးပမ်း ဆောင်ရွက်ရေးဆိုင်ရာ လုပ်ငန်းညှိနှိုင်းအစည်းအဝေးတွင် သမ္မတ ဦးသိန်းစိန်က အထက်ပါအတိုင်း ပြောကြားခြင်း ဖြစ်ကြောင်း အသစ်လွှင့်တင်လိုက်သော နိုင်ငံတော်သမ္မတရုံး ဝက်ဘ်ဆိုဒ်တွင် ဖော်ပြထားသည်။
“ပြီးခဲ့တဲ့ ကြားဖြတ်ရွေးကောက်ပွဲ အတွေ့အကြုံအရ ဒီနေ့ ပြည်သူတွေရဲ့ ဆန္ဒက အပြောင်းအလဲကို လိုချင်ပြီး ကျနော်တို့ အစိုးရရဲ့ အောက်ခြေ ရပ်ကွက် ကျေးရွာအဆင့်မှ မြို့နယ်၊ တိုင်းဒေသကြီး/ ပြည်နယ်မှ ပြည်ထောင်စု အဆင့်အထိ ရှေးယခင် လုပ်နည်းလုပ်ဟန်တွေအတိုင်း လုပ်ကိုင်ဆောင်ရွက် နေကြတာကို မကြိုက်တော့ဘူးဆိုတဲ့ အနေအထားကို ပြသခဲ့ခြင်း ဖြစ်ပါတယ်။ ဒါ့ကြောင့် Reform ကို ထိထိရောက်ရောက် ပြောင်းလဲ လုပ်ရမယ်ဆိုတဲ့သဘော ဖြစ်ပါတယ်” ဟု သမ္မတ ဦးသိန်းစိန်က ဆိုသည်။
အစိုးရသစ်အနေနှင့် လမ်းများဆောက်၊ တံတားဖောက် စသည့် ဖွံ့ဖြိုးရေးစီမံကိန်းများသည် ပြည်သူလူထု၏ လိုအပ်ချက်ကို
မထိတွေ့နိုင်ဘဲဖြစ်နေကြောင်း၊ အစိုးရသစ်အနေနှင့် ပြုပြင်ပြောင်းလဲမှုများ ပြုလုပ်ရာတွင် ပြည်သူများ အဆင်ပြေစေရေး ထိရောက်စွာ ဆောင်ရွက်ပေးရမည်ဖြစ်ကြောင်း ဦးသိန်းစိန်က ပြောသည်။
၎င်းက “မြန်မာနိုင်ငံမှာ လူဦးရေအများဆုံးဖြစ်တဲ့ ရန်ကုန်မြို့တော်ဟာ တနိုင်ငံလုံး လူဦးရေရဲ့ ၁၀ ပုံ ၁ ပုံ ရှိပြီး ထိုင်းနိုင်ငံ ဘန်ကောက်နဲ့ နှိုင်းယှဉ်ရင် များစွာကွာဟနေမှုအပေါ်  အားမလိုအားမရဖြစ်တဲ့ လူတန်းစားအလွှာတွေ ရှိသလို၊ ထက်ဝက်ကျော်သော မြို့လူထုရဲ့ နေထိုင်ရာ ရပ်ကွက်တွေဟာ ပျဉ်ကာ၊ ထရံကာ မီးဘေးစိုးရိမ်ရတဲ့ အဆင့်ကနေ တိုက်တာပေါ် မတင်နိုင်သေးတဲ့ အနေအထားတွေ၊ သူတို့ရဲ့ ရေလိုအပ်ချက်၊ မီးလိုအပ်ချက်တွေ၊ သွားလာရေးမှာလည်း ဘတ်စ်ကား ကြပ်တည်းမှုနဲ့ လုပ်ငန်းခွင်သွားဖို့ မနက်ပိုင်းမှာ နှစ်နာရီလောက် သွားလာရေးအတွက် အချိန်ကုန်ရသလို၊ လုပ်ငန်းခွင်က အပြန်မှာလည်း ညမိုးချုပ်မှ အိမ်ပြန်ရောက်၊ မနက်မိုးလင်း အစောကြီး ပြန်သွား၊ အလုပ်အကိုင် အခွင့်အလမ်း နည်းပါးလို့ မကျေမနပ် အားမလိုအားမရဖြစ်နေတဲ့ လူတန်းစားအလွှာတွေ ရှိနေတာ တွေ့ရမှာ ဖြစ်ပါတယ်” ဟု ဆိုသည်။
လမ်းဘေးဈေးသည်များကို အာဏာပိုင်များက တားမြစ်မှု၊ မြို့တွင်းကားရပ်ရန် နေရာရှားပါးမှု စသည့်ပြဿနာများအထိ ပြောင်းလဲအောင် စီမံရမည်ဟု သမ္မတ ဦးသိန်းစိန်က ထည့်သွင်းပြောကြားသည်။
လတ်တလော အစိုးရအနေနှင့် ပြုပြင်ပြောင်းလဲရေး ဗဟာဗျူဟာ ဒုတိယအဆင့်ကို ဆောင်ရွက်သွားမည်ဖြစ်ပြီး ပြုပြင်ပြောင်းလဲရေး လုပ်ငန်းများကို ခပ်သွက်သွက် ဆောင်ရွက်သွားမည်ဖြစ်ကြောင်း၊ တိုးတက်လိုသော ဆန္ဒရှိသော်လည်း အလုပ်မလုပ်ကြလျှင် တိုးတက်နိုင်မည် မဟုတ်ကြောင်းလည်း သမ္မတ ဦးသိန်းစိန်က ပြောသည်။
မြန်မာနိုင်ငံတွင် တနှစ်အသားတင် ထုတ်ကုန်တန်ဖိုးမှာ အမေရိကန် ဒေါ်လာ ၅၅.၉ ဘီလီယံသာရှိပြီး နိုင်ငံတကာချေးငွေမှာလည်း ၂၀၁၁-၁၂ ဘဏ္ဍာရေးနှစ်တွင် အမေရိကန် ဒေါ်လာ ၆.၃၈၁ သန်း၊ ထောက်ပံ့ငွေ အမေရိကန် ဒေါ်လာ ၀.၀၁၈ သန်းသာရရှိပြီး နိုင်ငံခြားရင်းနှီးမြှုပ်နှံမှုမှာလည်း တနှစ်လျှင် အမေရိကန်ဒေါ်လာ ပျမ်းမျှ ၃ ဘီလီယံသာရှိကြောင်း သိရှိရသည်။
“အဆင်းရဲဆုံး LDC နိုင်ငံဘဝက ရုန်းထွက်နိုင်ဖို့အတွက် တခုတည်းသော နည်းလမ်းဟာ ဥပဒေနဲ့အညီ အလုပ်လုပ်ကြဖို့ ဖြစ်ပါတယ်။ ယခု ကောင်းမွန်တဲ့ မူတွေ ချပေးပြီးဖြစ်ပါတယ်။ မူတွေကောင်းသော်လည်း လူတွေမကောင်းရင် မအောင်မြင်နိုင်ပါဘူး။
တိုးတက်လိုတဲ့အမြင်မရှိတဲ့ ရှေးရိုးစွဲတွေ၊ ခေတ်နောက်ပြန် ဆွဲလိုသူတွေကိုတော့ နောက်မှာ ချန်ထားခဲ့ရပါမယ်။ ခေတ်စနစ်တွေ ပြောင်းလဲနေပြီ ဖြစ်ပါတယ်။ နိုင်ငံရေးနဲ့ ဟန်ချက်ညီစွာ စီးပွားရေးကဏ္ဍကို ကျနော်တို့ တွန်းတင်ရပါမယ်” ဟု ဦးသိန်းစိန်က ဆိုသည်။
သမ္မတ ဦးသိန်းစိန်၏ ပြောကြားချက်သည် ခေါင်းမာဂိုဏ်းသားဟု အများက ယူဆသည် ဒုသမ္မတ ဦးတင်အောင်မြင့်ဦး နုတ်ထွက်စာ တင်ထားသည့်အချိန်နှင့်လည်း တိုက်ဆိုင်နေသည်။
သမ္မတ ဦးသိန်းစိန် ပြောဆိုသော မိန့်ခွန်းအပြည့်အစုံကို ပြန်ကြားရေးဝန်ကြီးဌာနမှ ထုတ်ဝေသော သတင်းစာများ၊ ရုပ်မြင်သံကြားနှင့် ရေဒီယိုများက အပြည့်အစုံ ဖော်ပြခြင်းမပြုဘဲ အရေးကြီးသောသတင်းများကိုချန်ထားခဲံသည်။