ပြီးခဲ့သည့် ၂၀၁၁ ခုနှစ် ဇူလိုင်လကတည်းကပင် ရွှေကျင်ရေအားလျှပ်စစ်စီမံကိန်းမှ လျှပ်စစ်ဓာတ်အား ထုတ်ယူသုံးစွဲခွင့် ရရှိထားပြီး လောပိတ ရေအားလျှပ်စစ်ဌာန(၁)၊ လောပိတ ရေအားလျှပ်စစ်ဌာန (၂)နှင့် ရဲရွာရေအားလျှပ်စစ် စီမံကိန်းကရရှိသည့် လျှပ်စစ်ဓာတ်အားများကို ယခုထက်တိုင် ထုတ်ယူသုံးစွဲရခြင်းမရှိသေးသည့်အတွက် လာမည့်နွေရာသီအစတွင် ရန်ကုန်တိုင်းဒေသကြီးအတွင်းရှိ မြို့နယ်အားလုံးတွင် ၂၄ နာရီလျှပ်စစ်မီး သုံးစွဲခွင့် ပေးနိုင်ရန် ဆောင်ရွက်လျက် ရှိကြောင်း သိရသည်။
ထိုသို့ ရန်ကုန်တိုင်းဒေသကြီးအတွင်း လျှပ်စစ်မီး ၂၄ နာရီပေးနိုင်ဖွယ်ရှိသော်လည်း အကြောင်းအရာကိစ္စရပ် အချို့ကြောင့် တစ်ခါတစ်ရံ တစ်နာရီ၊ နှစ်နာရီခန့် မီးပျက်ခြင်းမျိုး ဖြစ်ပေါ်နိုင်ကြောင်း ၎င်း ကဆက်လက်ပြောကြားခဲ့သည်။
ယခင်က အမှတ်(၁) လျှပ်စစ်စွမ်းအားဝန်ကြီးဌာန၏ ရေအားလျှပ်စစ်စီမံကိန်း လျှပ်စစ်ဓာတ်အားပေးစက်ရုံမှာ (၁၈) ရုံရှိသော်လည်း နောက်ပိုင်း ကာလများတွင် တိုင်းရင်းသားလက်နက်ကိုင်အဖွဲ့များ၏ နှောင့်ယှက်ဖျက်စီးမှုကြောင့် လျှပ်စစ်ဓာတ်အားပေးစက်ရုံ (၁) ရုံပျက်စီးခဲ့ရပြီး လက်ရှိအချိန်တွင် လျှပ်စစ်စွမ်းအားဝန်ကြီးဌာန၏ လျှပ်စစ်ဓာတ်အားပေး စက်ရုံ (၁၇) ရုံသာကျန်ရှိတော့ကြောင်း သိရသည်။
ယခုနှစ်အစပိုင်းမှ စတင်၍ မြန်မာတစ်နိုင်ငံလုံးတွင် လျှပ်စစ်ဓာတ်အား သုံးစွဲမှု မြင့်တက်သကဲ့သို့ နောင်နှစ်များတွင်လည်း ယခုထက်ပို၍ လျှပ်စစ်ဓာတ်အား သုံးစွဲမှု ပိုမိုမြင့်တက်လာနိုင်ကြောင်း သိရသည်။
No comments:
Post a Comment